સુરતઃ ખોલવડ ગામના સરપંચની હત્યા કરવાનો પ્રયાસ કરવામાં આવ્યો હતો. 3 અજાણ્યા શખ્સો દ્વારા જાહેરમાં સરપંચ હારૂન ટેલી પર 5 રાઉન્ડ ફાયરિંગ કરવામાં આવ્યું હતું.
હારૂન ટેલીના ઘરની બહાર જ બનેલી આ ઘટનામાં હારુન ટેલીના ભાઈને ખભાના ભાગે ઈજા પહોંચી હતી. 3 હુમલાખોરો પૈકી એકને સ્થાનિકોએ ઘટનાની સાથે જ ઝડપી પાડ્યો હતો.
મહત્વનું છે કે અગાઉ પણ હારુન ટેલીના પુત્ર પર ફાયરિંગ કરવામાં આવ્યું હતું. હાલ આ મામલે કામરેજ પોલીસે ઘટનાસ્થળે પહોંચીને આગળની કાર્યવાહી હાથધરી છે.
જો કે આ પ્રકારે સરાજાહેરમાં ફાયરિંગની ઘટના બનતા અનેક સવાલો ઉપજે છે. શું આવા અસામાજિક તત્વોને પોલીસનો ડર નથી રહ્યો? અસામાજિક તત્વોથી શહેરીજનોને ક્યારે છૂટકારો મળશે?