દુર્ઘટના / સુરત: ઉધનાની ફેક્ટરીમાં ઓક્સિજન બોટલનો થયો ભયંકર બ્લાસ્ટ, 1નું મોત, 4 ઇજાગ્રસ્ત, 12 લોકોનું ફાયર વિભાગે કર્યું રેસ્ક્યૂ

• સુરતમાં ફેક્ટરીમાં ઓક્સિજન બોટલમાં બ્લાસ્ટ
• બ્લાસ્ટમાં 1 વ્યક્તિનું મોત, અન્ય 3 ઇજાગ્રસ્ત
• ફાયર વિભાગે 12 લોકોનું રેસ્ક્યુ કર્યું

સુરતના ઉધના વિસ્તારમાં આવેલા અશોક ઓક્સિજન બોટલ સપ્લાયના ગોડાઉનમાં ઓક્સિજન સિલિન્ડરમાં બ્લાસ્ટ થયો હતો. આ બ્લાસ્ટનો અવાજ એટલો ભયંકર હતો કે આસપાસનો વિસ્તાર ધણધણી ઉઠ્યો હતો. આ બ્લાસ્ટથી આગ ફાટી નીકળી હતી. જોકે ઘટનાની જાણ થતા તાત્કાલિક ફાયર વિભાગ ઘટનાસ્થળે પહોંચ્યું હતું. ફાયર વિભાગે આગને કાબૂમાં લેવાની સાથે ફસાયેલા લોકોને બહાર કાઢવાની કામગીરી હાથ ધરી હતી. 

આ બ્લાસ્ટ અને આગના કારણે પહેલા માળે ફસાયેલા 12 જેટલા લોકોનું રેસ્ક્યુ કરવામાં આવ્યું હતું. આ દુર્ઘટનામાં એકનો મૃતદેહ સિલિન્ડર નીચેથી મળી આવ્યો હતો. જ્યારે ચાર લોકો ઇજાગ્રસ્ત થતા તેમને હોસ્પિટલ ખસેડવામાં આવ્યા છે. જોકે બાદમાં ફાયર વિભાગે આગને કાબૂ મેળવી લીધો હતો. ફાયર વિભાગે ગોડાઉનમાંથી ઓક્સિજન સિલિન્ડર બહાર કાઢી લીધા હતા.