રાજ્યમાં 31 તારીખ સુધી લોકડાઉન જાહેર કરવામાં આવ્યું છે. તેમ છતાં આજરોજ સુરત અને ખેડા ખાતે બજારો ધમધમતાં જોવા મળ્યાં. સુરતમાં સવારથી લોકો શાકભાજી લેવા માટે ઉમટયાં હતા. જો કે આ બધા વચ્ચે રાજ્યમાં કોરોના વાયરસના પોઝિટિવ કેસ વધીને 33 થઇ ગયા છે. સુરત અને ગાંધીનગરમાં વધુ 2-2 પોઝિટવ કેસ સામે આવ્યાં છે.
સુરત અને ખેડામાં બજારો ધમધમી રહ્યાં છે
સુરતમાં સવારે શાકભાજી લેવા માટે લોકો ઉમટયાં
પોલીસના લોકડાઉનના કાયદાનો ખેડામાં ઉલ્લંઘન
સુરતમાં સવારથી લોકો શાકભાજી લેવા ઉમટયાં
સુરત શહેરની વાત કરીએ તો આજરોજ વહેલી સવારે લોકડાઉનની અસર જોવા જોવા મળી નહોતી. જેમાં શહેરના લોકો સવારે શાકભાજી લેવા માટે ઉમટયાં હતા. જો કે તંત્ર દ્વારા આ અંગે અગાઉથી જ જીવનજરૂરિયાતની વસ્તુ લેવા માટે 12 થી 4 સુધીમાં ખરીદી કરવા અપીલ કરાઇ હતી.
પોલીસના લોકડાઉનના કાયદાનું ખેડામાં ઉલ્લંઘન
સુરત શહેરની સાથે બીજી તરફ ખેડામાં પણ લોકડાઉનના કાયદાની ઐસી કી તૈસી જેવી સ્થિતિ જોવા મળી. લોકો ખુલ્લેઆમ કાયદાનો ભંગ કરતા જોવા મળ્યાં. જ્યારે નડીયાદમાં પણ ટાઉન પોલીસ મથકની સામે જ કલમ 144નો ભંગ કરાયો છે. જેમાં બજાર, ચા અને પાનના ગલ્લા પર લોકોની ભીડ જોવા મળી.
સુરત તંત્રએ 12થી 4ની વચ્ચે જીવન જરૂરિયાત વસ્તુની ખરીદી કરવા કરી હતી અપીલ
રાજ્યભરમાં 31 માર્ચ સુધી લોકડાઉન જાહેર કરાયું છે. સુરતમાં તંત્ર દ્વારા લોકોને જીવન જરૂરિયા વસ્તુ લેવા માટે 12થી 4 સુધીમાં ખરીદી કરવાની અપીલ કરાઈ છે. જોકે સુરતમાં સવારથી જ શાકભાજી માર્કેટમાં લોકોની ભીડ ઉમટી છે. તંત્ર દ્વારા કરવામાં આવેલી અપીલની લોકો ખુલ્લેઆમ અનાદર કરી રહ્યા હોવાનું જોવા મળ્યું.
લોકડાઉનને સુરત જિલ્લાના લોકોએ સમર્થન આપ્યુ છે. જેમાં આજે વહેલી સવારથી હાઈવે પર સન્નાટો છવાયો છે. જિલ્લાની તમામ બોર્ડરને પોલીસ દ્વારા સીલ કરવામાં આવી છે. સુરત જિલ્લામાં પોલીસ દ્વારા સતત પેટ્રોલિંગ કરવામાં આવી રહ્યું છે. બિનજરૂરી રસ્તા પર નિકળેલા લોકોને પોલીસે અટકાવીને ઘરે પરત મોકલ્યા.