સુરત: ટ્રાફિકમાં ફસાઈ 108ની એમ્બ્યુલન્સ મહિલાની રસ્તા પર કરાઈ પ્રસૂતિ: CCTV

સુરતમાં ટ્રાફિક નિયમનની આરંભે ઉડતી વાતો પોકળ સાબિત થઇ છે. કરોડાના ખર્ચે લગાવેલ અને CCTV દ્વારા મોનિટરિંગ થતી એક્ટિવીટીની પોલ ફરી એક વખત ઉજાગર થઈ છે. 

મુજરા ગેટ નજીક આવેલા ફ્લાય ઓવર બ્રીજ પાસે ટ્રાફિકમાં 108ની એમ્બ્યુલન્સ ફસાઈ હતી. જેને કારણે સગર્ભા મહિલાની રસ્તા પર જ પ્રસૂતિ કરાઈ હતી.

ટ્રાફિકની સમસ્યા હળવી ન થતા 108ના ચાલક રસ્તા વચ્ચે ઉતરી આવ્યા હતા અને લોકોને સમજાવી માર્ગ કાઢ્યો હતો જે બાદ મહિલાને સુવાલી ગામથી નાજુક હાલતમાં દવાખાને ખસેડી પ્રાથમિક સારવાર કરાઈ હતી.




હાલ મહિલા અને બાળક બંનેની હાલત સહી સલામત છે. જોકે આવી સમસ્યા આગામી દિવસોમાં ન સર્જાય તે માટે ટ્રાફિક વિભાગ આગામી દિવસોમાં વધુ સતર્કતા દાખવે તે પણ ખુબ જરૂરી છે.

1 ક્લિક પર જોડાવો VTV ના સોશિયલ એકાઉન્ટ્સ સાથે...