સુરત અકસ્માત / ઉધના વિસ્તારમાં ટ્રક કાળ બનીને આવી, બસ સ્ટોપ પાસે 4 લોકોને લીધા અડફેટે, 2 બાળકોના કરુંણ મોત

• સુરત શહેરમાં બેદરકાર ટ્રકચાલકે વધુ એક પરિવાર વિખેર્યો
• ઉધના વિસ્તારમાં બસ સ્ટોપ પાસે 4 લોકોને ટ્રકે લીધા અડફેટે
• રોડ પર જતા માતા અને 2 બાળકો બન્યા અકસ્માતનો ભોગ    

સુરતમાં અકસ્માતની વધુ એક ગોઝારી ઘટના સામે આવતા અરેરાટી મચી જવા પામી છે. જેમાં કાળ મુખા ટ્રકની ઠોકરે માતાની નજર સામે બે બાળકો કાળનો કોળિયો બની ગયા  હતા. બેદરકાર ટ્રકચાલકે વધુ એક પરિવાર વિખેરી નાખતા પરિવારમાં કાળો કલ્પાંત ફેલાયો છે.

2 બાળકોના મૃત્યુ, માતાને ગંભીર ઈજા
અક્સમાતને પગલે સૂરતનો ઉધનામાં બસ સ્ટોપ પાસેનો માર્ગ રક્તરંજિત બન્યો છે. જેમાં બેફામ સ્પીડે આવતા ટ્રકના ચાલકે સ્ટેરિંગ પરનો કાબૂ ગુમાવી દેતા બેકાબૂ ટ્રેકએ 4 લોકોને અડફેટે લીધા હતા. જે ને લઇને રસ્તે પસાર થતાં મા અને બે બાળકોને અકસ્માત નદીઓ હતો. આ ઘટનાને પગલે હેપ્પી અને સમંત શર્મા નામના 2 બાળકોને ગંભીર ઇજા થતાં  તેમનું કમકમાંટીભર્યા મોત નિપજ્યાં હતા.  જ્યાંરે માતાને ગંભીર ઇજા થતાં તેમને લોહી લુહાણ હાલતમાં સારવાર અર્થે ખસેડવામાં આવ્યા હતા. 

નવસારીમાં ટ્રક ચાલકે  મહિલાને અડફેટે લેતા ઇજા
અકસ્માતની વધુ એક ઘટના નવસારી શહેરમાં સામે આવી હતી. જેમાં ટ્રક ચાલકે લુન્સીકુઈ વિસ્તારમાં એક મહિલાને અડફેટે લેતા ગંભીર ઇજા થવા પામી હતી.મહિલાને ગંભીર ઈજા પહોચાડી ટ્રકચાલક શખ્સ ફરાર થઇ ગયો હતો. જેને લઇને ઈજાગ્રસ્ત મહિલાની નવસારી હોસ્પિટલમાં ખસેડી ટાઉન પોલીસે તપાસ હાથ ધરી છે.