સુરતના નેશનલ હાઇવે 48 પર અકસ્માત થયો છે. અમદાવાદ-મુંબઇ હાઇવે પર અકસ્માત સર્જાયો છે. કાર અને નાઈટ્રોજન ગેસ ભરેલા ટ્રકનો અકસ્માત થતા કાર અને ટ્રકમાં આગ લાગી હતી. ગેસની બોટલ ભરેલી ટ્રકમાં આગ લાગતા બ્લાસ્ટ થતા હતા. જેથી ફાયર વિભાગ સહિતની બચાવ કામગીરી શરૂ કરી દેવામાં આવી હતી.
સુરત ગેસની બોટલો ભરેલી ટ્રકમાં આગ
એક પછી એક 10 જેટલા બ્લાસ્ટ થયાં
ત્રણ જેટલા લોકો ઇજાગ્રસ્ત થયાં
સુરતના કોસંબા નજીક નંદાવ પાટિયા પાસે નેશનલ હાઇ-વે 48 ઉપર અકસ્માતની ઘટના બની છે. નંદાવ પાટિયા નજીક કાર અને ગેસની બોટલ ભરેલા ટ્રક સાથે અકસ્માત સર્જાયો હતો, ગેસની બોટલ ભરેલી ટ્રક સાથે અકસ્માત સર્જાતા કાર અને ટ્રકમાં આગ લાગી હતી. અકસ્માત બાદ ગેસની બોટલો ભરેલી ટ્રકમાં આગ લાગતા એક પછી એક 10 જેટલા બ્લાસ્ટ થયાં થયાં હતાં.
આ અકસ્માતની ઘટનાને લઈને ફાયર વિભાગની ટીમ ઘટના સ્થળે પહોંચી હતી અને કાર અને ટ્રકમાં લાગેલી આગ પર કાબુ મેળવ્યો હતો. આ ઘટનામાં ત્રણ જેટલા લોકો ઇજાગ્રસ્ત થયાં હતાં ત્યારે ઇજાગ્રસ્ત લોકોને સારવાર માટે હોસ્પિટલ ખસેડવામાં આવ્યા હતા.
ટ્રક ચાલકના જણાવ્યા મુજબ બાઇક ચાલકને બચાવવા જતાં ગેસ ભરેલ ટ્રક હાઇવેની વચ્ચે જ પલટી મારી હતી. ત્યાર બાદ પાછળ આવતી કાર પણ ટ્રક સાથે અથડાઈ હતી. ગેસની બોટલ ભરેલા ટ્રક પલટતા આગ લાગી હતી અને ટ્રક સાથે કારને પણ આગ લાગી હતી. આથી હાઇવેના બંને ટ્રેક ઉપર ટ્રાફિક સર્જાયો હતો ત્યારે કોસંબા પોલીસે ઘટના સ્થળે પહોંચી ટ્રાફિક હળવો કર્યો હતો.