માંગરોળ તાલુકાનાં વાંકલ ઝંખવાવ ગામના બહારના રસ્તા પર ગમખ્વાર અકસ્માતમાં માંડવીના મહિલા નાયબ મામલતદાર અને તેમના પતિનું મોત નીપજ્યું છે. ઘટના વાંકલ ઝંખવાવ ગામના બહારના રસ્તા પર બની હતી. જ્યાં દુર્ઘટનામાં બંનેનું કમકમાટી ભર્યું મોત નીપજ્યું.
ગમખ્વાર અકસ્માત 2ના મોત
મહિલા નાયબ મામલતદાર અને તેના પતિનું મોત
માંગરોળના વાંકલ અને ઝંખવાવ વચ્ચે દુર્ઘટના
હાઈવે પર ડમ્પર અને કાર વચ્ચે થયો અકસ્માત
કારમાં સવાર થઇને મહિલા નાયબ મામલતદાર અને તેમના પતિ જઈ રહ્યા હતા ત્યારે જ તેમને અકસ્માત નડ્યો અને તે કાળનો કોળિયો બની ગયા. સવારે વરસાદ થઇ રહ્યો હતો અને એવામાં માંગરોળમાં જ તેમની કાર અને ડમ્પર વચ્ચે જોરદાર ટક્કર થઇ. ટક્કર એટલી જોરથી થઇ કે કાર એક બાજુથી આખી પીચકાઈ ગઈ. નાયબમામલતદાર તેમના પતિ સાથે સવાર હતા ત્યારે ઘટનાસ્થળ પર જ તેમનું દુઃખદ મોત નીપજ્યું હતું.
ઘટનાની જાણ થતાં જ માંગરોળ પોલીસ ઘટનાસ્થળે પહોંચી હતી અને તપાસ શરુ કરી દીધી છે. જાણકારી અનુસાર દંપત્તિ માંડવી જઈ રહ્યા હતા ત્યારે જ આ ગમખ્વાર અકસ્માત થયો અને તે કાળનો કોળિયો બની ગયા. મહિલા નાયબ મામલતદાર સુમુલ ડેરીમાં નોકરી કરતા હતા .
નોંધનીય છે કે નાયબ મામલતદાર પોતે કોરોના વોરિયર તરીકે કામ કર્યું હોવાથી સ્વતંત્રતા દિવસમાં તેમનું સન્માન થવાનું હતું જેમાં ભાગ લેવા તેઓ જઈ રહ્યા હતા ત્યાં આ અકસ્માત નડ્યો હતો. અકસ્માતમાં કારનું કચ્ચરઘાણ નીકળી ગયું છે જેને જોઇને કહી શકાય કે ટક્કર ખૂબ મોટી હતી. અકાસ્માતમાં દંપત્તિના મોતના કારણે માંડવીમાં શોકનું મોજું ફરી ફળ્યું હતું.