સુરત: મોડી રાત્રે કારમાં અચાનક આગ લાગતા કારચાલક બળીને ભડથું

સુરતના કામરેજમાં મોડીરાત્રે કારમાં અચાનક આગ લાગતા ભાગદોડ મચી ગઇ હતી. સમગ્ર ઘટના અંગે જાણ થતા જ ફાયર બ્રિગેડની ગાડી ઘટના સ્થળ પર પહોંચી હતી અને આગ પર કાબુ મેળવ્યો હતો. પરંતુ આગ એટલી વિકરાળ હતી કે કાર અને કારચાલક બંને બળીને ખાક થઇ ગયા હતા. 

મળતી માહિતી અનુસાર સુરતના કામરેજમાં મોડીરાત્રે કારમાં અચાનક આગ લાગી હોવાનું સામે આવ્યું છે. કારમાં આગ લાગતા કાર ચાલકનું મોત થયું છે. જોકે કારમાં લાગેલી આગ શંકાસ્પદ છે અને કારચાલકના પુત્રએ હત્યા થઇ હોવાનો આક્ષેપ કર્યો છે..

મગ્ર બનાવને પગલે કામરેજ પોલીસે ઘટનાસ્થળે પહોંચી વધુ તપાસ હાથ ધરી છે. કામરેજના ઘલુડી રોડ પર આગ લાગવાની ઘટના બની હતી.