સુરતના ડિંડોલી બાળકી પર દુષ્કર્મના મામલે નવો વળાંક આવ્યો છે. સગા ભાઈએ જ બહેન પર બળાત્કાર કર્યો હતો. બાળકી સારવાર બાદ ભાનમાં આવતા આ ભેદ ઉકેલાયો છે. ડિંડોલીમાં બે બાળકી પર દુષ્કર્મની ઘટના બની હતી.
એક ઘટનામાં પાડોશીએ બળાત્કાર કર્યો હતો જ્યારે અન્ય ઘટનામા ભાઈએ જ બહેનને પીખી નાંખી હતી. પોલીસે સગાભાઈની બળાત્કારના કેસમાં ધરપકડ કરી હતી. તમને જણાવીએ કે સુરતના સમભ્ય સમાજને કલંકિત કિસ્સો બહાર આવ્યો હતો.
સુરતના ડીંડોલીમાં એક પાંચ વર્ષની બાળકી દુષ્કર્મનો ભોગ બની હતી. બાળકી પોતાના ઘરેથી લાપતા હતી. લાપતા થયેલી આ બાળકી ઝાડી ઝાંખરા જેવી અવવારૂ જગ્યાએથી મળી આવી હતી.બાળકી ગંભીર હાલતાં મળી આવતા હાલ તેને સારવાર માટે ખસેડવામાં આવી હતી. તો પોલીસે પણ આ મામલે ગુનો નોંધી તપાસ હાથ ધરી હતી.
આ ઉપરાંત સુરતમાં એક સસરાએ મુકબધિર પુત્રવધુ પર દુષ્કર્મ કર્યાની શર્મસાર કરતી ઘટના પણ સામે આવી હતી. જોકે પહેલા તો મહિલાનો પતી તેની વાત માનવા માટે તૈયાર ન હતો પરંતુ મહિલાએ પોતાની સાથે થયેલા કૃત્ય અંગે પોતાના પતિને જણાવ્યું તો તે ચોંકી ઉઠ્યો. ત્યારબાદ મુક બધિર યુવકે પોતાની પત્નીને સાથે લઈ રાંદેર પોલીસ સ્ટેશનમાં ફરિયાદ નોંધાવી હતી. પોલીસે સમગ્ર મામલે બળાત્કારી સસરા સામે ફરિયાદ નોંધી તેની ધરપકડ કરી હતી.