સુરતના પાંડેસરા વિસ્તારમાં 9 વર્ષીય બાળકી સાથે દુષ્કર્મ આચરવાનો પ્રયાસ થયો છે. આવું કૃત્યુ અન્ય કોઈ નહીં પરંતુ બાળકીના પાડોશીએ જ કર્યું છે. પાડોશી યુવકે બાળકીને વસ્તુ આપવાના બહાને પોતાના ઘરમાં બોલાવી હતી અને દુષ્કર્મ આચરવાનો પ્રયાસ કર્યો હતો.
જોકે બાળકીએ બુમાબુમ કરતાં આોપી યુવક ત્યાંથી ભાગી ગયો હતો. આ મામલે પરિવારજનોએ પાંડેસરા પોલીસ સ્ટેશનમાં ફરિયાદ દાખલ કરતાં આરોપી વિરુદ્ધ પોલીસે પોક્સો એક્ટ હેઠળ ગુનો દાખલ કરીને આરોપીની ધરપકડ માટે પ્રયાસો હાથ ધર્યા છે.
ઉલ્લેખનીય છે કે એક તરફ દેશમાં બેટી બચાવો બેટી પઢાવોના અભિયાન ચાલે છે ત્યારે આવી પ્રકારની ઘટનાઓ સામે સરકાર આકરા પગલાં લઇને કડક કાયદા બનાવે તેવી પણ લોકમાંગ ઉઠવા પામેલ છે.
પહેલા પણ બની છે આ પ્રકારની ઘટનાઓ
ઉધના વિસ્તારમાં 3 વર્ષની માસૂમ બાળકી સાથે દુષ્કર્મની ઘટના સામે આવી છે. આ મામલે બાળકીના પરિવારજનો દ્વારા ઉધના પોલીસ સ્ટેશનમાં ગુનો નોંધવામાં આવ્યો છે. પોલીસે 30 વર્ષીય અજાણ્યા શખ્સ સામે પોક્સો એકટ હેઠળ ગુનો નોંધીને કાર્યવાહી હાથધરી છે.
મહત્વનું છે કે સોમવારે બપોરના સમય બાળકી પોતાના પિતા સાથે ફરી રહી હતા. આ દરમિયાન પિતાની નજર ચૂકવીને અજાણ્યો શખ્સ બાળકીનું અપહરણ કરીને ફરાર થયા હતા. બિસ્કીટ અપાવવાના બહાને શખ્સે બાળકીનુ અપહરણ કરીને દુષ્કર્મનો પ્રયાસ કરાયો હતો.
ત્યારબાદ બાળકી ઉધના રેલવે ટ્રેક પાસેથી બાળકી બેભાન અવસ્થામાં મળી આવી હતી. જો કે ત્યારબાદ બાળકીને સારવાર માટે તાત્કાલિક અસરથી સુરત સિવિલ હોસ્પિટલમાં ખસેડાઈ હતી. પરિવારજનો દ્વારા પોલીસ સ્ટેશનમાં ફરિયાદ કર્યા બાદ સુરત સિવિલ હોસ્પિટલમાં બાળકીનું મેડિકલ પરીક્ષણ કરવામાં આવ્યું હતું.
હાલમાં સુરત સિવિલ હોસ્પિટલમાં બાળકીની સારવાર ચાલી રહી છે. આ મામલે ઉધના પોલીસ સ્ટેશને ગુનો નોંધીને બાળકી સાથે સૃષ્ટી વિરૂધ્ધના કૃત્યનો પ્રયાસ કરનાર વ્યક્તિની ઓળખ કરીને તાત્કાલિક અસરથી ઝડપી લેવા પોલીસે પોતાના ચક્રો ગતિમાન કર્યા છે.