ચિંતાજનક સમાચાર / સુરતના બાળકો માથે કોરોનાની સાથે આ બીમારીનો પણ ખતરો, 1 મહિનામાં 30 કેસ નોંધાયા

• સુરતમાં કોરોના સાથે નવી બીમારીનો જન્મ
• શહેરમાં MIS-C નામની બીમારીના કેસ વધ્યા
• છેલ્લા એક મહિનામાં 30 જેટલા કેસ નોંધાયા

સુરતમાં કોરોનાની સાથે સાથે નવી બીમારીનો જન્મ થયો છે. આ બીમારીનું નામ છે MIS-C એટલે કે મલ્ટી સિસ્ટમ ઈંફ્લેમેટરી સિન્ડ્રોમ. આ બીમારી નાના બાળકોમાં જોવા મળી રહી છે. જે બાળકો કોરોનાગ્રસ્ત થયા હોય તે બાળકોમાં આ બીમારીના લક્ષણો દેખાઈ રહ્યા છે. 

છેલ્લા એક મહિનામાં 30 જેટલા કેસ નોંધાયા

છેલ્લા એક મહિનામાં સુરતમાં 30 જેટલા કેસ નોંધાયા છે. અમેરિકા અને UKમાં આ બીમારી પ્રથમવાર દેખાઈ હતી. ત્યાર બાદ સુરતમાં કેસ નોંધાયો હતો. MIS-C બીમારીએ હવે તંત્રની ચિંતામાં વધારો કર્યો છે.   તંત્રએ પણ લોકોને બાળકોની ખાસ દેખરેખ રાખવા માટે અપીલ કરી છે. 

MIS-Cના શું છે લક્ષણો?

આ બીમારી જે બાળકોને થાય છે તેને તાવ આવે છે. નસ અને માંસપેશિઓમાં સોજો આવે છે. ગંભીર સ્થિતિમાં અંગો કામ કરવાનું બંધ કરી દે છે. પેટમાં દુખાવો, ડાયરિયા, ઊલટી, આંખો લાલ થવી, ગળા અને જડબાની આસપાસ સોજો, ત્વચા પર લાલ રંગના ચાઠા, સાંધાના દુખાવા, હાથ અને પગની આંગળીમાં સોજો થવો જેવા લક્ષણો છે. આ લક્ષણો દેખાય તો તાત્કાલિક બાળકને સારવાર આપવાની જરૂર પડે છે.