સુરત: ઓલપાડના કુંકણી ગામ નજીક 2 બાઇક વચ્ચે અકસ્માત એકનું મોત

સુરતના ઓલપાડ તાલુકાના કુંકણી ગામ નજીક અકસ્માતમાં બે યુવકના મોત નિપજ્યા છે. ઓલપાડના કુંકણી ગામ નજીક બે  બાઈક સામ સામે અથડાયા હતા.

જેમાં બાઈક સવાર બન્ને યુવકને ગંભીર ઈજાઓ પહોંચતા ઘટનાસ્થળે જ બન્નેનું મોત નિપજ્યું છે. મૃતક યુવકો ભાંડૂત અને અરીયાણા ગામના રહેવાસી હોવાનું સામે આવ્યું છે. આ મામલે જાણ થતાં પોલીસે વધુ તપાસ હાથ ધરી છે.



આ ઘટના મામલે મળતી જાણકારી મુજબ ગત મોડી રાતે સુરતના ઓલપાડ તાલુકાના કુંકણી ગામ નજીક એક ગમખ્વાર અકસ્માતની ઘટના બની હતી. જેમાં પૂરપાટ ઝડપે જઇ રહેલા બે બાઇક સામ-સામે અથડાયા હતા અને આ અકસ્માત સર્જાયો હતો. બંન્ને વાહનની ગતિ ખુબ જ હોવાને કારણે બાઇક સવાર ઉછળીને નીચે પટકાયા હતા. જેમાં એક બાઇક સવારનું ઘટના સ્થળે જ મોત નિપજ્યું હતું.

જો કે આ અકસ્માત અંગેની માહિતી હાઇવે નજીક રહેલા લોકોને થતાં તાત્કાલિક અસરથી તેઓ ઘટના સ્થળે ધસી આવ્યા હતા અને ઇજા પામનારને નજીકના દવાખાને ખસેડવામાં આવ્યા હતા. જો કે આ અકસ્માતમાં બંન્ને બાઇકને મોટાપાયે નુકસાન થયું હતું.