સુરતના લીંબાયત વિસ્તારમાં રાધિકા બ્યુટી પાર્લર ચલાવતી મહિલાની હત્યા મામલે ક્રાઇમ બ્રાન્ચે બે આરોપીની રાજસ્થાનથી ધરપકડ કરી છે. રાધિકા બ્યુટી પાર્લર ચલાવતા સુમનબહેન પોતાના ઘરે એકલા હતા ત્યારે આરોપી સપના અને તેના મોડેલ પતિએ સુમનબહેનનું ગળુ કાપી હત્યા કરી ફરાર થઇ ગયા હતા. જેની તપાસ સુરત ક્રાઇમ બ્રાન્ચ કરી રહી હતી.
પોલીસે સુમન હત્યા કેસમા તેમના બ્યુટી પાર્લરમાં કામ કરતી સપના અંગે માહિતી મળી હતી. જે માહિતીના આધારે તપાસ કરતા આ બન્ને આરોપીઓ રાજસ્થાન ભાગી ગયા હોવાની જાણકારી મળી હતી. જેને લઇને સુરત ક્રાઇમ બ્રાન્ચે બન્ને આરોપીને રાજસ્થાનથી ઝડપી પાડયા હતા. ત્યારે આ આરોપી સપનાએ કબૂલાત કરી હતી કે સુમનના કારણે તેના છૂટાછેડા થઇ ગયા હતા. જેની અદાવત રાખી તેના બીજા પતિ વિજેન્દ્ર સાથે મળીને હત્યા કરી સુમનના ધરેણા લઇ ફરાર થઇ ગયા હતા.
ઉલ્લેખનીય છે કે બ્યુટી પાર્લરની સંચાલીકાની કરપીણ હત્યા કેસમાં બને હત્યારા હાલ સુરત પોલીસના સંકજામાં આવી ગયા છે.પરંતુ એક સામાન્ય તકરારમાં એક મહિલા આ પ્રકારનું પગલું ભરે તે સૌ કોઈને વિચારમાં પાડી તેમ છે.જો કે હવે બંને હત્યારાઓને પોલીસે રિમાન્ડ મેળવવાની તજવીજ પણ હાથ ધરી છે.