સુરતના વરાછા વિસ્તારમાં 13 વર્ષીય તરૂણી સાથે દુષ્કર્મ આચનાર શખ્સની પોલીસે ધરપકડ કરી છે. માતાના પ્રેમી અરૂણ મિશ્રાએ તરૂણી સાથે દુષ્કર્મ આચર્યુ હતું. મળતી માહિતી મુજબ તરૂણીની માતાનો અરૂણ મિશ્રા સાથે પ્રેમ સંબંધ હતો.
આપને જણાવી દઇએ કે, માતાની ગેરહાજરીનો ફાયદો ઉઠાવીને શખ્સે તરૂણી પર દુષ્કર્મ આચર્યુ. તરૂણીએ સમગ્ર ઘટના માતાને કહેતા મામલે પોલીસ સ્ટેશને પહોંચ્યો હતો. આ મામલે માતાએ અરૂણ મિશ્રા સામે ફરિયાદ કરી હતી. પોલીસે આરોપીની ધરપકડ કરીને વધુ તપાસ હાથધરી છે.
પોલીસે જણાવ્યું કે ભોગ બનનાર તરૂણી વતનમાં નાના-નાની સાથે રહે છે અને ધો. 7માં ભણે છે. હાલમાં વેકેશન હોવાને કારણે માતાની પાસે રહેવા આવી હતી. કિશોરીની માતા સુરતમાં એકલી રહે છે. તેનો પતિ અલગ રહે છે. મહિલાનો હમવતની અને રત્નકલાકાર 35 વર્ષીય અરૂણ મિશ્રા ભોગ બનનાર કિશોરીની માતાનો પ્રેમી છે.
નોંધનીય છે કે, દેશમાં બાળકો સાથે દુષ્કર્મની વધી રહેલી ઘટનાઓ અંગે ચિંતા વ્યકત કરતા સુપ્રીમે તે બાબત ધ્યાનમાં લીધી છે. 1 જાન્યુઆરીથી 30 જૂન સુધીમાં દેશમાં બાળકો સાથે દુષ્કર્મના કુલ ૨૪૨૧૨ બનાવો બન્યા છે જેની FIR નોંધાઈ છે.