છેતરપિંડી / સુરતની સવાર બગડીઃ 10 કરોડના હીરા લઈને માલિક ફરાર તો 5 કરોડનું કાપડ બજારમાં ઉઠમણું

• કાપડ માર્કેટના વેપારી 2.59 કરોડનું ફુલેકું ફેરવી ફરાર 
• આદર્શ માર્કેટનો વેપારી 1.67 કરોડ 
• વરાછા વિસ્તારમાં વેપાર કરતા પરીખ બંધુઓ કરોડોના હીરા લઈ છુ

સુરતમાં સવાર સવારમાં કરોડોના હીરાની ઉચાપત અને છેતરપિંડીના મામલા સામે આવતા સુરતીઓની દિવાળી બગડવાના સંકેત મળી રહ્યા છે. અડાજણમાં 10 કરોડના હીરા લઈને વેપારી ફરાર છે તો કાપડબજારમાં 4 કરોડની છેતરપિંડીની ફરિયાદ સામે આવી છે. 

209 વેપારીઓનું ફુલેકુ ફેરવીને ફરાર
સુરતના અડાજણ વિસ્તારમાં 10 કરોડના હીરા લઈને એક જવેલર્સ ફરાર થયો છે. 10 કરોડના હીરા લઈને માલિક ભૂગર્ભમાં ઉતર્યા છે. વરાછા વિસ્તારમાં વેપાર કરતા પરીખ બંધુઓ 209 વેપારીઓનું ફુલેકુ ફેરવીને ફરાર થયા છે. 

વરાછા પોલીસ સ્ટેશનમાં ફરિયાદ
રાજેશ પરીખ, હિમાંશુ પરીખ, રાજુ ભરવાડ, નરેશ મહેતા સામે વરાછા પોલીસ સ્ટેશનમાં ફરિયાદ થઈ છે. વરાછા પોલીસે ગુનો નોંધીને પરીખ બંધુઓને ઝડપી પાડવા માટે ચક્રો ગતિમાન કર્યા છે.

 
5 કરોડના ઉઠામણાની ફરિયાદો
દિવાળી પહેલા જ કાપડ માર્કેટમાં ઉઠામણું થયું છે. કાપડ માર્કેટિમાં અલગ અલગ કિસ્સામાં 4 કરોડની છેતરપિંડીની 5 ફરિયાદ નોંધાઇ છે. જેમાં કાપડ માર્કેટના વેપારી 2.59 કરોડનું ફુલેકું ફેરવી ફરાર થઇ ગયા છે. આદર્શ માર્કેટનો વેપારી 1.67 કરોડ અને મહારાષ્ટ્રના ઔરંગાબાદનો વેપારી 22 લાખની ઠગાઇ કરી ફરાર થઇ ગયો છે. કુલ 5 કરોડના ઉઠામણાની અલગ અલગ પોલીસ સ્ટેશનમાં ફરિયાદ નોંધાઇ છે.