સૂરજ ભુવાજીએ મિત્રો સાથે મળીને ધારાની હત્યા કર્યા બાદ મિસિંગનું તરકટ રચ્યું હતું, સમગ્ર મામલે પૂછપરછ બાદ 8 આરોપીઓને સાથે રાખીને ઘટનાનું રી-કન્સ્ટ્રક્શન કરાશે.
ધારા અને સૂરજ ભુવાજી વચ્ચેના સંબંધ મામલો
સૂરજ ભુવાજીએ મિત્રો સાથે મળીને ધારાની કરી હત્યા
સૂરજે પત્ની અને બાળકો પાસે પરત જવા માટે હત્યાનું ષડ્યંત્ર રચ્યું
ધારા અને સૂરજ ભુવાજી વચ્ચેના સંબંધ મામલે તપાસમાં મોટો ખુલાસા થયો છે. સૂરજ ભુવાજીએ મિત્રો સાથે મળીને ધારાની હત્યા કર્યા બાદ મિસિંગનું તરકટ રચ્યું હતું. સમગ્ર મામલે પૂછપરછ બાદ 8 આરોપીઓને સાથે રાખીને ઘટનાનું રી-કન્સ્ટ્રક્શન કરાશે. યુવતીની હત્યાના ઘટના સ્થળેથી હત્યા અને પુરાવા નિકાલનું રી-કન્સ્ટ્રકશન કરાશે. સૂરજે પત્ની અને બાળકો પાસે પરત જવા માટે હત્યાનું ષડ્યંત્ર રચ્યું હતું. ધારાની ચોટીલામાં હત્યા કરીને મિસિંગનું તરકટ રચી પત્ની સાથે રહેવા જતો રહ્યો હતો.
ગુમ થયેલી ધારાની હત્યાનો ભેદ ઉકેલાયો
ઝોન-7 DCP બીયુ જાડેજા અને તેમની ટીમે ગુમ થયેલી ધારાની હત્યાનો ભેદ ઉકેલ્યો છે. ધારાને સૂરજ અને મીત જૂનાગઢથી અમદાવાદ લાવી રહ્યા હતા અને ચોટીલાના વટવાલ પાસે કાર ઉભી રાખી ઝઘડા કર્યો હતો બાદ સૂરજે ધારાનું ગળું દબાવી હત્યા કરી નાંખી હતી. હત્યા કરી પેટ્રોલ અને લાકડાથી લાશ સળગાવી હતી. મૃતક ધારાના કપડા પહેરી એક વ્યકિત અમદાવાદ આવી હતી. ભુવા જોડે ધારા અમદાવાદ આવી તેવું સાબિત કર્યું હતું. ભુવાના મિત્ર મીતે તેની માતાને પણ પ્લાનમાં સામેલ કરી હતી.
ફાઇલ બંધ કરી દેવામાં આવી હતી
બીજી તરફ સવારે ધારાના કપડા પહેરી મીતની માં મુંબઈ જવા નીકળી હતી. ધારા સવાર સવારમાં સૂરજને છોડીને ક્યાંક જતી રહી તેવું સાબિત કર્યું હતું. બીજી બાજુ ભુવાએ ધારા ક્યાંક જતી રહી છે તેવી ખોટી ફરિયાદ નોંધાવી હતી એ દરમિયાન ધારાના ફોનમાંથી મેસેજ આવ્યો 'હું તારી જિંદગીમાંથી દૂર જઈ રહી છું' ત્યારબાદ ભુવાએ ધારાના ભાઇને ફોન કરીને કહ્યું 'ધારા ગુમ થઇ ગઇ છે'. વાતની જાણ થતા ધારાનો ભાઇ અમદાવાદ આવી પહોંચે છે. કડી ન મળતા ધારા ગાયબ છે તેમ જણાવી ફાઇલ બંધ કરી દેવામાં આવી હતી. એક વર્ષ થયા બાદ ફરીથી ધારાના ભાઇએ પાલડી પો.સ્ટેશનમાં અરજી કરી હતી. ઝોન - 7 પોલીસની ટીમે ઝીણવટભરી તપાસ કરતા ભેદ ઉકેલાયો હતો