ગત રોજ રાજકોટમાં વધુ એક દુષ્કર્મની ઘટના સામે આવતા હડકંપ મચી ગયો છે. જુનાગઢની એક યુવતીએ સૂરજ ભુવા સામે દુર્ષ્કમની ફરિયાદ કરી હતી
યુવતી સાથે જૂનાગઢના સૂરજ ભુવાના દુષ્કર્મનો મામલો
દુષ્કર્મની ફરિયાદ બાદ સૂરજ ભુવો પોતાના નિવાસ્થાનેથી ફરાર
લોકોની સમસ્યાઓના નિકાલ માટે દર મંગળવારે કરતો હતો બેઠક
ફરિયાદ બાદ જૂનાગઢના નિવાસસ્થાનેથી ભુવો ફરાર
જુનાગઢની આ યુવતીએ ઝેરી દવા ગટગટાવીને રાજકોટ મહિલા પોલીસ સ્ટેશને પહોંચી ગઈ હતી. અને જૂનાગઢના એક સૂરજ સોલંકી નામના ભૂવાએ સતત 10 મહિના સુધી તેની દુષ્કર્મ આચર્યું હોવાનો આરોપ લગાવ્યો હોવાનું જણાવ્યું હતું. પરંતુ રાજકોટ મહિલા પોલીસે દવા પીધેલી હાલતમાં આવેલી યુવતીને સિવિલ હોસ્પિટલમાં તાત્કાલિક ધોરણે ખસેડવામાં આવી હતી અને સારવાર આપવામાં આવી હતી.જો કે, હવે સૂરજ ભૂવા સામે પોલીસ ફરિયાદ નોધાતાં. પોલીસે આ મામલે તપાસ હાથ ધરી હતી. દરમિયાન ફરિયાદ બાદ જૂનાગઢના નિવાસસ્થાનેથી સુરજ ભુવો ફરાર થઈ જવા પામ્યો છે
યુવતી સાથે જૂનાગઢના સૂરજ ભુવાના દુષ્કર્મનો મામલો
ઉલ્લેખનીય છે કે, ગત રોજ જૂનાગઢની એક યુવતી ભૂવાના પરિચયમાં આવતા જ ભૂવાએ નજર બગાડી અને સતત 10 મહિના સુધી શારીરિક શોષણ કર્યા બાદ મને તરછોડી, અમદાવાદ ચાલ્યો ગયો છે. મારી પાસે મરવા સિવાય કોઈ આરો નથી. આવું લખીને જૂનાગઢની એ યુવતીના જે રાજકોટમાં ઝેરી દવા પી ને મહિલા પોલીસ મથકે પહોચી હતી. યુવતીએ ઝેરી દવા ગટગટાવ્યા પહેલા એક સુસાઈડ નોટ પણ સોશીયલ મીડિયામાં વાયરલ કરતા સૂરજ ભૂવાજીએ ગર્ભ રાખી દીધો હોવા અંગેનો પણ ઉલ્લેખ કર્યો હતો.
10 મહિના સુધી મારું શારીરિક શોષણ કર્યું - પીડિતા
પીડિતાએ સોશિયલ મીડિયામાં સ્યુસાઈડ નોટ લખતા ઉમેર્યું કે આશરે દસે'ક મહિના પહેલા સૂરજ લાખા સોલંકી પાસે કેટલાક અંગત પ્રશ્નો અને મૂંઝવણને લઈને જોવરાવવા ગઈ હતી. આવખતે જ મારે સુરજ સાથે પરિચય થયો અને તેણે મારી સાથે લગ્ન કરવાની વાત કરી હતી. મને અંધારામાં રાખીને સતત 10 જેટલા મહિના સુધી મારું શારીરિક શોષણ કર્યું. દરમિયાન મને ગર્ભ પણ રહી ગયો હતો. આ ખબર પડતા જ મને દવા આપી દીધી. અને છેલ્લા એક મહિનાથી મને છોડીને અન્યત્ર ચાલ્યો ગયો છે.