સુપ્રીમ કોર્ટે રાજ્યમાં હેલ્મેટનો કાયદો મરજિયાત કરવા મામલે રાજ્ય સરકારની ઝાટકણી કાઢી. સુપ્રીમ કોર્ટની રોડ સેફ્ટી કમિટીએ રાજ્ય સરકાર પાસે હેલ્મેટનો કાયદો મરજિયાત કેમ કર્યો તે અંગે જવાબ માંગ્યો છે.
હેલ્મેટના કાયદાનો મામલો
સુપ્રીમકોર્ટે સરકારની કાઢી ઝાટકણી
ગુજરાત સરકાર પાસે માંગ્યો જવાબ
રોડ સેફ્ટી કમિટીએ કાયદામાં ફેરફાર કરવા બદલ રાજ્ય સરકારને પત્ર લખીને લેખિતમાં જવાબ માંગ્યો છે. આ ઉપરાંત પત્રમાં રાજ્યમાં ફરજિયાત હેલ્મેટના કાયદાનું પાલન કરાવવાની અને દર ત્રણ મહિને કાયદાનું રિવ્યુ કરાવવાની સૂચના આપી છે.
રાજ્ય સરકારને પત્ર લખીને માગ્યો જવાબ
આપને જણાવી દઈએ કે રાજ્ય સરકારે ફરજિયાત હેલ્મેટમાંથી મુક્તિ આપી હતી. આથી સુપ્રીમ કોર્ટની રોડ સેફ્ટી કમિટીએ રાજ્ય સરકારને પત્ર લખીને આ મામલે જવાબ માંગ્યો છે.
ગુજરાત સરકારે હેલ્મેટને લઇને કરી હતી જાહેરાત
રાજ્યના પરિવહન મંત્રીએ મીડિયા સાથે વાતચીત વખતે જણાવ્યું કે આજથી રાજ્યના નગરપાલિકા અને મહાનગરપાલિકા વિસ્તારની હદ અને રોડ પર બાઈક ચાલકે હેલમેટ પહેરવો ફરજિયાત નહીં રહે અને પોલીસ આ સંદર્ભે કોઈ પણ પ્રકારનો દંડ નહીં કરે. આ સાથે આ બંને વિસ્તારો સિવાયના તમામ હાઈવે અને ગામડાઓના એપ્રોચ રોડ પર હેલમેટ પહેરવો ફરજિયાત છે.