ચૂકાદો / સંપત્તિના મામલામાં સુપ્રીમ કોર્ટનો મોટો ચૂકાદો, કહ્યું મહિલા પોતાની સંપત્તિ પિયર પક્ષને આપી શકે

•  મહિલા પિયર પક્ષના વારસદારોને સંપત્તિ આપી શકે
• મહિલાના નિર્ણયને લઈને દિયરના દીકરાઓએ કોર્ટમાં અરજી દાખલ કરી હતી
• સુપ્રીમ કોર્ટે નીચલી અદાલત અને હાઈકોર્ટના નિર્ણયને યોગ્ય ગણાવ્યો 

 મહિલા પિયર પક્ષના વારસદારોને સંપત્તિ આપી શકે

અદાલતે કહ્યું કે એક વિધવા મહિલા પિયર પક્ષના વારસદારોને સંપત્તિ આપી શકે છે.  કોર્ટનું કહેવું છે કે હિંદુ સેક્સેશન એક્ટ અંતર્ગત હિંદુ વિધવા મહિલાના પિતા પક્ષના લોકોને અજાણ્યા ન માની શકાય અને તેમને સંપત્તિ સોંપી શકે છે. હાઈકોર્ટે ગુડગાંવના એક પરિવારના મામલામાં આ નિર્ણય સંભળાવ્યો છે. પક્ષે સુપ્રીમ કોર્ટમાં હાઈકોર્ટના ચુકાદાને પડકાર્યો હતો.

મહિલાના નિર્ણયને લઈને દિયરના દીકરાઓએ કોર્ટમાં અરજી દાખલ કરી હતી

કોર્ટે કહ્યું કે પિયર પક્ષના લોકો મહિલાના પરિવારનો એક ભાગ મનાશે. કલમ 15(1)(d)નો ઉલ્લેખ કરતા જસ્ટિસ અશોક ભૂષણ અને આર સુભાષ રેડ્ડીની બેંચે કહ્યું કે હિંદુ મહિલાના પિતા વારસદારને મહિલાની સંપત્તિમાં વારસદારો તરીકે શામિલ કરી શકાય છે. મહિલાના આ નિર્ણયને લઈને દિયરના દીકરાઓએ કોર્ટમાં અરજી દાખલ કરી હતી.

સુપ્રીમ કોર્ટે નીચલી અદાલત અને હાઈકોર્ટના નિર્ણયને યોગ્ય ગણાવ્યો 

મહિલાએ પારિવારિક સમજૂતિ હેઠળ પોતાના ભાગની જમીન  પોતાના ભાઈના દીકરાના નામે કરી દીધી હતી. આ વાતનો વિરોધ મહિલાના દિયરના દીકરાઓએ કર્યો. દિયરના દીકરાઓ તરફથી દાખલ અરજીમાં આ સમજૂતિ પર નિર્ણય રદ્દ કરવા અપીલ કરવામાં આવી હતી. જો કે સુપ્રીમ કોર્ટે નીચલી અદાલત અને હાઈકોર્ટના નિર્ણયને યોગ્ય ગણાવ્યો છે. તેમણે કહ્યું કે બન્ને અદાલતોએ આ જોગવાઈ અંતર્ગત નિર્ણય સંભળાવ્યો છે.

શું છે મામલો?

ગુડગાંવના બાજિદપુર તાલુકાના ગઢી ગામની ઘટના છે.  આ ગામમાં બદલૂની પાસે ખેતીની જમીન હતી. બદલૂના બાલી રામ અને શેર સિંહ બે સંતાનો હતા. 1953માં શેર સિંહનું મોત થયા બાદ પત્ની જગનોએ પોતાના ભાગની જમીન ભાઈના દીકરાઓને આપી દીધી હતી. પારિવારીક સમજૂતિ હેઠળ મળેલી જમીનને લઈને ભાઈના દિકરાઓએ કોર્ટમાં સૂટ ફાઈલ કરી અને 19 ઓગસ્ટ 1991માં કોર્ટે તેમના પક્ષમાં નિર્ણય સંભળાવ્યો. આ દરમિયાન મહિલાના દિયરના સંતાનોએ આ વાતનો વિરોધ કરતા કોર્ટના દરવાજા ખખડાવ્યા હતા.