NEETમાં અનામત મુદ્દે સુપ્રીમ કોર્ટે OBC અનામત યથાવત રાખવાનો આદેશ આપ્યો છે જેમાં કોર્ટે કહ્યું છે કે ખાલી હાઇસ્કોર કરવો એ એકમાત્ર માપદંડ નથી.
NEETમાં OBC અનામતનો મુદ્દો
સુપ્રીમ કોર્ટે 27 ટકા અનામત યથાવત રાખ્યું
અનામત એ યોગ્યતાના વિરોધમાં નથી-SC
NEET PGમાં અનામત મુદ્દે મોટો આદેશ
સુપ્રીમ કોર્ટે NEET PG એડમિશનમાં OBC અનામતને લઈને અનુમતિ આપી છે અને આ મુદ્દે આદેશ જાહેર કરવામાં આવ્યો છે. સર્વોચ્ચ અદાલતે કહ્યું કે ઓલ ઈન્ડિયા કોટામાં OBC અનામત માન્ય છે અને ભારતના બંધારણ અનુસાર તે મૌલિક અધિકાર છે.
અનામતએ યોગ્યતાના વિરોધમાં નથી-સુપ્રીમ કોર્ટ
સુપ્રીમ કોર્ટે કહ્યું કે પરીક્ષાઓ ઉત્કૃષ્ટતા અને વ્યક્તિની ક્ષમતાઓને દર્શાવતી નથી, એવામાં કેટલાક વર્ગને મળી રહેલ સામાજિક, આર્થિક અને સાંસ્કૃતિક લાભને રોકી શકાય નહીં.
હાઇસ્કોર કરવો એ એકમાત્ર માપદંડ નથી
સુપ્રીમ કોર્ટે મહત્વપૂર્ણ ટિપ્પણી કરતાં કહ્યું કે ખાલી હાઇ સ્કોર કરવું એ યોગ્યતાનો માપદંડ નથી. સામાજિક અને આર્થિક પૃષ્ઠભૂમિના સંબંધમાં યોગ્યતાને પ્રેક્ટિકલ બનાવવાની જરૂર છે. પછાતપણાને દૂર કરવા માટે અનામતની ભૂમિકા છે.
EWS મુદ્દે માર્ચના સુનાવણી
નોંધનીય છે કે EWS અનામત યોગ્ય છે કે નહીં તે મુદ્દે માર્ચ મહિનાના ત્રીજા અઠવાડિયામાં કોર્ટ સુનાવણી કરશે. કોર્ટે કહ્યું કે આપણે હજુ પણ મહામારીમાં છે અને ડોકટરોની ભરતીમાં વિલંબ થવાથી દેશની સ્થિતિ ખરાબ થશે. અનામત એ યોગ્યતાની વિરુદ્ધ નથી, સામાજિક ન્યાય માટે અનામત જરૂરી છે.