સુપ્રીમ કોર્ટે કહ્યું કે, ડોક્ટર અને સ્વાસ્થ્ય સેવાઓને ગ્રાહક સંરક્ષણ અધિનિયમ 2019ના દાયરામાંથી બહાર રાખવામાં આવ્યા નથી.
સુપ્રીમ કોર્ટમાં આવ્યો કેસ
કોર્ટે આપ્યો સુપ્રીમ નિર્ણય
ગ્રાહક સુરક્ષા અધિનિયમ પર ચુકાદો
સુપ્રીમ કોર્ટે કહ્યું કે, ડોક્ટર અને સ્વાસ્થ્ય સેવાઓને ગ્રાહક સંરક્ષણ અધિનિયમ 2019ના દાયરામાંથી બહાર રાખવામાં આવ્યા નથી. વડી અદાલતે આ સંબંધમાં બોમ્બે હાઈકોર્ટના નિર્ણયને યોગ્ય ઠેરવતા મેડિકો લીગલ એક્શન ગ્રુપની અરજી ફગાવી દીધી હતી.
વડી અદાલતે કહી આ વાત
જસ્ટિસ ડીવાઈ ચંદ્રચૂડ તથા જસ્ટિસ હિમા કોહલીની પીઠે શુક્રવારે કહ્યું કે, ફક્ત 2019ના અધિનિયમ દ્વારા 1986ના અધિનિયમને રદ કરવાથી ડોક્ટરો દ્વારા દર્દીઓને આપવામાં આવતી સ્વાસ્થ્ય દેખરેખ સેવાઓને સેવા શબ્દની વ્યાખ્યામાંથી બહાર કરી શકાય નહીં. અરજીકર્તાની દલીલ હતી કે, ગ્રાહક સંરક્ષણ અધિનિયમ 2019 અંતર્ગત ડોક્ટર વિરુદ્ધ ગ્રાહક ફરિયાદ નોંધી શકાય નહીં. બોમ્બે હાઈકોર્ટે ઓક્ટોબર 2021માં અરજી રદ કરી દીધી હતી.
સેવાની વ્યાખ્યા વ્યાપક
અરજીકર્તાએ દલીલ આપી હતી કે, 1986ના કાયદામાં સેવાઓની પરિભાષામાં સ્વાસ્થ્ય સેવાનો ઉલ્લેખ નથી, એટલા માટે નવા અધિનિયમ અંતર્ગત સામેલ કરવાનો પ્રસ્તાવ હતો, અંતત: હટાવી દીધો, તેના પર જસ્ટિસ ચંદ્રચૂડે કહ્યું કે, અધિનિયમમાં સેવાની વ્યાખ્યા વ્યાપક છે. જો સંસદ તેને બહાર કરવા માગે છે, તો તેને સ્પષ્ટ રીતે કરે.