સુનાવણી / સુપ્રીમ કોર્ટ પહોંચ્યો આરેમાં વૃક્ષો કાપવાનો મામલો, સ્પેશિયલ બેન્ચ કરશે સુનાવણી

• મુંબઇની આરે કોલોનીમાં વૃક્ષોના કાપવાનો મામલો હવે સુપ્રીમ કોર્ટ પહોંચ્યો
• વિદ્યાર્થીઓની સીજેઆઇને અપીલ, કહ્યું-4 ઓક્ટોબરથી ગેરકાનૂની રીતે ઝાડ કાપવામાં આવ્યા
• મુંબઇ મેટ્રોના શેડ નિર્માણ માટે ઝાડને કાપવામાં આવી રહ્યા છે

વિદ્યાર્થીઓએ સીજેઆઇને લખેલા પત્રમાં પિટીશન પર સુનાવણીની અપીલ કરતા કહ્યું કે 4 ઓક્ટોબરથી ગેરકાનૂની રીતે ઝાડને કાપવામાં આવી રહ્યા છે. શાંતિપૂર્વક વિરોધ પ્રદર્શન કરનારની ધરપકડ કરાઇ છે. એમણે હજુ પણ આમ કરી રહ્યા છે. 

મેટ્રો શેડના નિર્માણથી બતાવ્યું પૂરનો ખતરો

પત્રમાં દાવો કરવામાં આવ્યો છે કે આરેમાં એ તમામ છે જે જંગલ માટે જરૂરી હોય છે. મુંબઇ મેટ્રોના શેડ નિર્માણ માટે ઝાડને કાપવામાં આવી રહ્યા છે. વિદ્યાર્થીઓનો દાવો છે કે એમણે ઘણી જગ્યાઓ પર આ આદેશને પડકાર્યો છે અને પરિયોજના માટે અન્ય સ્થાન પણ સૂચવ્યા. તેમા દાવો કરાયો છે કે શેડ નિર્માણ માટે પ્રસ્તાવિત મીઠી નદીના કિનારે આરેના 33 ભૂભાગમાં 3500થી વધારે ઝાડ છે. તેમાંથી 2238 ઝાડ કાપવાનો પ્રસ્તાવ છે. આમ થયું તો મુંબઇ પર પૂરનો ખતરો વધી જશે. 

બોમ્બે હાઇકોર્ટે આપી હતી સુપ્રીમ કોર્ટ જવાની સલાહ

સીજેઆઇને લખેલા પત્રમાં એ દાવો કરવામાં આવ્યો છે કે બોમ્બે હાઇકોર્ટે ઝાડ કાપવા પર રોક લગાવવા અને આરેને ઇકોલોજિકલી સેન્સિટિવ ઝોન જાહેર કરવા સંબંધિત અરજી ફગાવી દીધી હતી. હાઇકોર્ટે ન્યાયપાલિકાની સીમાઓનો ઉલ્લેખ કરતા તેના માટે સુપ્રીમ કોર્ટમાં જવાની સલાહ આપી હતી.