ચુકાદો / ... તો હાથમાં મોજા પહેરીને બાળકી સાથે 'ગંદી હરકત' કરનાર છૂટી જશે, કટાક્ષ સાથે સુપ્રીમમાં થઈ સુનાવણી

• સ્કીન ટૂ સ્કીન ટચ યૌન ઉત્પીડન કેસમાં સુપ્રીમનો મોટો ચુકાદો
• સુપ્રીમે બોમ્બે હાઈકોર્ટેના ચુકાદાને ઉલટાવી નાખ્યો
• 12 વર્ષની છોકરી સાથે છેડછાડ કેસમાં સુપ્રીમે સુનાવણી કરી

જસ્ટિસ પુષ્પા ગનેદિવાલાની સિંગલ ખંડપીઠે સેસન્શ કોર્ટેના ચુકાદાને ઉલટાવી નાખ્યો હતો. 12 વર્ષની છોકરી સાથે છેડછાડ કરીને તેનું સલવાર કાઢવાના કેસમાં સેસન્શ કોર્ટે 39 વર્ષના શખ્સને યૌન ઉત્પીડનનો દોષી માન્યો હતો. આ કેસની આજે સુપ્રીમમાં સુનાવણી થઈ હતી.
જસ્ટિસ પુષ્પાએ જણાવ્યું કે દરેક શારીરિક સંપર્ક એટલે કે સ્કીન ટૂ સ્કીન ટચ યૌન ઉત્પીડન નથી. 

જસ્ટિસ પુષ્પાએ લીગલ સર્વિસ કમિટીને આ કેસના આરોપીઓનો પક્ષ રજૂ કરવાનો આદેશ આપ્યો. સુપ્રીમ કોર્ટાં એમિક્સ ક્યુરીએ સિદ્ધાર્થ દવેને પણ આ કેસમાં મદદ કરવાનું જણાવ્યું. આ દરમિયાન એટર્ની જનરલ વેણુગોપાલે જણાવ્યું કે કાલે ઉઠીને કોઈ વ્યક્તિ સર્જિકલ મોજા પહેરીને કોઈ મહિલાના શરીરનો સ્પર્શ કરે તો આ ચુકાદા પ્રમાણે તો તેને યોન ઉત્પીડન માટે સજા જ નહીં થાય. બોમ્બે હાઈકોર્ટનો ચુકાદો અપમાનજનક દાખલો છે.

સુપ્રીમ કોર્ટને માલૂમ પડ્યું કે બોમ્બે હાઈકોર્ટના ચુકાદામાં સમાવિષ્ટ બંને કેસોમાં આરોપી વતી કોઈ પણ કોર્ટમાં હાજર થયું ન હતું. કેસની સુનાવણી દરમિયાન જસ્ટિસ યુયુ લલિત અને જસ્ટિસ અજય રસ્તોગીની ખંડપીઠે જણાવ્યું હતું કે નોટિસ મોકલવા છતાં આરોપીઓએ પોતાનો પક્ષ રજૂ કર્યો નથી, તેથી સુપ્રીમ કોર્ટની કાનૂની સેવા સમિતિએ તેમનું પ્રતિનિધિત્વ કરવું જોઈએ. આ મામલે હવે 14 સપ્ટેમ્બરે કોર્ટમાં સુનાવણી થશે.

શું છે આ આખો મામલો?
ફરિયાદીના જણાવ્યા મુજબ, છોકરીની માતાએ પોલીસ સમક્ષ નિવેદન આપ્યું હતું કે 14 ડિસેમ્બર, 2016 ના રોજ આરોપીઓ તેમની 12 વર્ષની બાળકીને કંઇક ખવડાવવાના બહાને લઇ ગયા હતા અને તેની સાથે દુર્વ્યવહાર કર્યો હતો. તેના કપડા ખોલવાનો પ્રયત્ન કર્યો અને તેના અંદરના ભાગને કપડાંની ઉપર દબાવ્યો. ટ્રાયલ કોર્ટે આ કેસમાં આરોપીને POCSO હેઠળ દોષિત ઠેરવ્યો હતો અને તેને ત્રણ વર્ષની જેલની સજા ફટકારી હતી. પરંતુ હાઈકોર્ટે ઓર્ડરમાં ફેરફાર કર્યો અને કેસને પોક્સો હેઠળ જાતીય હુમલો ન ગણ્યો પરંતુ આઈપીસીની કલમ 354 હેઠળ છેડછાડ કરી. આ ઘટના 12 વર્ષની છોકરી સાથે બની હતી. હાઈકોર્ટે કહ્યું હતું કે કપડાં ઉતાર્યા વગર આ કેસ પોક્સો હેઠળ જાતીય હુમલો કરતો નથી. સુપ્રીમ કોર્ટે આદેશ પર રોક લગાવી દીધી છે અને મામલો સુનાવણી હેઠળ છે.

હાઈકોર્ટે ચુકાદામાં શું કહ્યું?
કોર્ટે એજીને નિર્ણયને પડકારતી યોગ્ય અરજી દાખલ કરવાનો આદેશ આપ્યો હતો. કોર્ટે આરોપીઓને નિર્દોષ છોડી મુકવા પર રોક લગાવી હતી. નોંધપાત્ર બાબત એ છે કે, બોમ્બે હાઈકોર્ટની નાગપુર બેંચે તેના ચુકાદામાં જણાવ્યું હતું કે, આ પ્રકારનું કૃત્ય IPC ની કલમ 354 હેઠળ 'છેડતી' સમાન હશે અને POCSO અધિનિયમની કલમ 8 હેઠળ જાતીય શોષણ નહીં થાય.