સજા પર પ્રતિબંધ / 11 વર્ષની માસૂમને શિકાર બનાવનાર નરાધમની ફાંસીની સજા પર SCની રોક, જુઓ શું આદેશ આપ્યા

• 11 વર્ષની નિર્દોષ બાળકી પર બળાત્કાર અને હત્યાનો મામલો
• કોર્ટે હત્યાના દોષિતોની સજા પર પ્રતિબંધ લગાવ્યો
• ઉત્તરાખંડ હાઈકોર્ટના આદેશની વિરુદ્ધમાં જઇ કરી સુનાવણી

સુપ્રીમ કોર્ટે ઉત્તરાખંડ હાઈકોર્ટના આદેશની વિરુદ્ધ જઇ કરી સુનાવણી

જસ્ટિસ યૂયૂ લલિતની આગેવાનીવાળી ત્રણ જજોની ખંડપીઠે દોષી જયપ્રકાશ તિવારીની ઉત્તરાખંડ હાઈકોર્ટના આદેશની વિરુદ્ધ જઇ અપીલ પર સુનાવણી કરતા કહ્યું કે આ મુદ્દે અમને લાગે છે કે દોષી અપીલ કરનારનું મનોવૈજ્ઞાનિક મૂલ્યાંકન કરાવવુ જોઈએ. કોર્ટે ઉત્તરાખંડ સરકારને આદેશ આપ્યો કે એમ્સ રૂષિકેશના મનોવૈજ્ઞાનિકોની ઉપયુક્ત ટીમ દોષી જયપ્રકાશના સુદ્ધોવાલા જિલ્લા જેલમાં જઇને મનોવૈજ્ઞાનિક મૂલ્યાંકન કરશે. કોર્ટે કહ્યું કે જેલ વહીવટી તંત્ર દોષિતની તપાસ કરવામાં સંપૂર્ણ સહયોગ કરશે. દોષિતનો મૂલ્યાંકન રિપોર્ટ 25 એપ્રિલ સુધી કોર્ટમાં રજૂ થશે. ત્યારબાદ કોર્ટ આ કેસની સુનાવણી 4 મે 2022ના રોજ કરશે. 

પ્રોબેશન અધિકારીનો રિપોર્ટ રજૂ કરો: સુપ્રીમ કોર્ટ

કોર્ટે કહ્યું કે જેલ ઓથોરિટી એવુ પણ જણાવશે કે જેલમાં દોષિતે શું કામ કર્યુ. આ ઉપરાંત તેના સંદર્ભમાં પ્રોબેશન અધિકારીનો રિપોર્ટ કોર્ટમાં રજૂ કરવાનો આદેશ આપવામાં આવ્યો છે. ઉલ્લેખનીય છે કે આ પહેલી વખત છે, જ્યારે સુપ્રીમ કોર્ટે સુનાવણી પહેલા દોષીનું મનોવૈજ્ઞાનિક મૂલ્યાંકન કરાવવાનો આદેશ આપ્યો છે. આ રિપોર્ટમાં કોર્ટ તપાસશે કે તેની માનસિક સ્થિતિ શું છે અને તેમાં ફેરફારની કોઈ શક્યતા છે. શું તેને સમાજમાં મુક્ત છોડી શકાય છે.  

શું છે મામલો

સહસપુર થાના વિકાસનગરમાં જયપ્રકાશે મધ્ય પ્રદેશમાં રહેતા પોતાના સહકર્મચારીની દીકરી સાથે બળાત્કાર કર્યો હતો. જ્યારે તે મજૂરી કરવા માટે ગયો હતો. ટ્રાયલ કોર્ટે તેને આઈપીસીની કલમ 302, 201, 376, 377 અને પોક્સો એક્ટની કલમ 6 હેઠળ દોષિત ઠેરવ્યો. ઉત્તરાખંડ હાઈકોર્ટે ટ્રાયલ કોર્ટ દ્વારા ઓગષ્ટ, 2019માં તેને આપવામાં આવેલો મૃત્યુ દંડ જાન્યુઆરી 2020માં પુષ્ટી કરી દીધી હતી.