મહામારી / વેક્સિનેશન પર સુપ્રીમ કોર્ટનો મોટો આદેશ, કેન્દ્ર પાસેથી વેક્સિન ખરીદીનો પૂરો હિસાબ માંગ્યો

• કોરોના વેક્સિનેશન સંબંધિત એક અરજી પર સુપ્રીમ કોર્ટનો આદેશ
• કેન્દ્ર સરકાર પાસેથી વેક્સિનની ખરીદીની સંપૂર્ણ વિગતો માંગી
• અત્યાર સુધી કેટલી વેક્સિન ખરીદાઈ-સુપ્રીમ કેન્દ્ર પાસેથી જવાબ માંગ્યો 

વેક્સિનેશન સંબંધિત એક કેસની સુનાવણી કરતા સુપ્રીમ કોર્ટે કેન્દ્ર સરકાર પાસેથી  અત્યાર સુધી જેટલી પણ વેક્સિન ખરીદાઈ હોય તે તથા અત્યાર સુધી કેટલી વસતીનું વેક્સિનેશન થયું છે તેની પૂરી વિગતો માંગી છે. સુપ્રીમ કોર્ટે આ તમામ સવાલના જવાબ બે અઠવાડિયાની અંદર કોર્ટને આપી દેવાનો આદેશ કર્યો છે. 

અત્યાર સુધી કોરોનાની કેટલી વેક્સિનની ખરીદી થઈ

સુપ્રીમે કેન્દ્ર સરકારના વકીલને પૂછ્યું કે અત્યાર સુધી કોરોનાની કેટલી વેક્સિનની ખરીદી કરવામાં આવી. કેટલી વસતીને વેક્સિન આપવામાં આવી છે અને બાકીના લોકોનું ક્યાં સુધી વેક્સિનેશન પુરુ થઈ જશે. સુપ્રીમ કેન્દ્ર સરકાર પાસેથી એ પણ જવાબ માંગ્યો કે બ્લેક ફંગસની સારવાર માટેની દવાઓની ઉપલબ્ધિ માટે કયા પગલાં ભરવામાં આવ્યાં છે. 

કોવિશિલ્ડ, કોવેક્સિન તથા સ્પૂતનિક-વીની ખરીદી માટે ક્યારે ક્યારે ઓર્ડર અપાયા 

જસ્ટિસ ડી.વાય.ચંદ્રચુડ, જસ્ટિસ એલ.એન.રાવ અને જસ્ટિસ એસ.રવિન્દ્રની સ્પેશિયલ બેચે એક આદેશમાં કહ્યું કે સરકાર સ્પસ્ટ ડેટા આપે ત્રણ વેક્સિન, કોવિશિલ્ડ, કોવેક્સિન તથા સ્પૂતનિક-વી, ની ખરીદી માટે ક્યારે ક્યારે ઓર્ડર આપવામાં આવ્યાં. દરેક ડેટ પર વેક્સિનની કેટલી ડોઝનો ઓર્ડર આપવામાં આવ્યો. 

અત્યાર સુધી કેટલી વસતીને વેક્સિન મળી

સુપ્રીમ કોર્ટે કેન્દ્ર સરકાર પાસેથી એવું પણ જાણવા માંગ્યું કે અત્યાર સુધી કેટલી વસતીને એક અથવા તો બે ડોઝ અપાયા છે. ગ્રામીણ અને શહેરી ક્ષેત્રોમાં કેટલા લોકોને વેક્સિન અપાઈ છે. સુપ્રીમ કોર્ટે કેન્દ્ર સરકારને આ તમામ સવાલના જવાબ બે અઠવાડિયાની અંદર આપવાનો આદેશ આપ્યો છે.