લગ્ન, છૂટાછેડા, ભરણપોષણ ભથ્થાં, લગ્નની ઉંમર જેવા મુદ્દા પર સમાન કાયદાની માંગ કરતી અરજી પર સુનાવણીમાં સુપ્રીમ કોર્ટે કેન્દ્ર પાસે જવાબ માંગ્યો છે.
લગ્ન, છૂટાછેડા જેવા મુદ્દાને લઈને સુપ્રીમ કોર્ટમાં અરજી
ધર્મને ધ્યાને ન લેતા સમાન કાયદાની માંગ
કોર્ટે કેન્દ્ર સરકાર પાસે જવાબ માંગ્યો
દેશમાં લગ્નના કાયદાઓને લઈને પહેલા પણ ઘણીવાર વિવાદ થયા છે અને ટ્રીપલ તલાક જેવા મુદ્દાઓ પર તો રાજકારણ પણ ખૂબ થયું છે, જોકે આ કાયદાને ભાજપ સરકાર પોતાની મોટી ઉપલબ્ધિ ગણાવે છે ત્યારે લગ્નના જુદા જુદા કાયદા મામલે એક અરજીમાં સુપ્રીમ કોર્ટે કેન્દ્ર સરકાર પાસે જવાબ માંગ્યો છે.
શું છે સમગ્ર અરજી
દેશના નાગરિકો માટે છૂટાછેડા, દત્તક લેવા, ઉત્તરાધિકાર, વિરાસત, ભરણ-પોષણ, લગ્નની ઉંમર જેવી બાબતોમાં ધર્મ અને લિંગથી તટસ્થ કાયદા બનાવવાની માંગ કરતી અરજી પર સુપ્રીમ કોર્ટે કેન્દ્ર સરકાર પાસે આગામી 3 સપ્તાહમાં વિસ્તૃત જવાબ આપવા કહ્યું છે. અરજીમાં માંગ કરાઇ છે કે તમામ નાગરિકો, ભલે તે ગમે તે ધર્મના હોય, છૂટાછેડા અને ભરણપોષણ ભથ્થાંના આધાર તો સમાન જ હોવા જોઈએ.
વિવિધ અરજીઓ પર એકસાથે વિચાર કરવા કહેવાયું
નોંધનીય છે કે વકીલ અશ્વિની ઉપાધ્યાયને કોર્ટે આદેશ કર્યા હતા કે તે આવા પ્રકારની તમામ અરજીઓની માહિતી કોર્ટને આપે જેથી તમામ પર એકસાથે જ વિચાર કરી શકાય. દત્તક, ઉત્તરાધિકાર, લગ્નની ઉંમર જેવા વિવિધ મુદ્દા પર તેમના દ્વારા તમામ અરજી પર એક સાથે વિચાર કરવામાં આવશે.