ઝાટકણી / સુ્પ્રીમ કોર્ટે CBIને બરાબરની ઝાટકી, કહ્યું માત્ર કેસ દાખલ નથી કરવાના, તમારો સફળતા દર કેટલો?

• સુ્પ્રીમ કોર્ટે CBI પાસેથી માગ્યું પેન્ડીંગ કેસોનું લીસ્ટ 
• કેસની સુનાવણીમાં વાર લાગતા કોર્ટે સીબીઆઈને ઝાટકી 
• પેન્ડીંગ કેસ અને ચુકાદા થયેલા કેસનું માગ્યું લીસ્ટ 

સુ્પ્રીમ કોર્ટે એક કેસની સુનાવણી કરતી વખતે CBI સાથે કડક ભાષામાં સવાલો કર્યા છે. જે કેસ પર સુપ્રીમ કોર્ટ સુનાવણી કરી રહી હતી. તે કેસની તપાસમાં CBI લાગી હતી. પરંતુ 542 દિવસમાં પણ તે કોઈ ચોક્કસ તારણ સુધી ન પહોચી શકી. જેને અનુલક્ષીને સુપ્રીમ કોર્ટે તેની નારાજગી દર્શાવી જેને કારણે આ મુદ્દો એક ચર્ચાનો વિષય બન્યો છે.

ચુકાદો થયેલા કેસોનું લીસ્ટ માગ્યું 

CBIની તપાસ બાદ પણ આરોપીઓને સજા ઓછી મળી રહી છે. તેવું સુપ્રીમ કોર્ટનું માનવું છે. સાથેજ સજાનો સમય પણ તેઓ ઘટાડી રહ્યા છે. જેને લઈને સુપ્રિમ કોર્ટે સીબીઆઈને સીધા સવાલો કર્યા. સાથેજ તેમના જે પણ કેસ નિચલી કોર્ટ અને હાઈકોર્ટમાં સફળ રહ્યા છે. તેની લીસ્ટ પણ સુપ્રિમ કોર્ટે માંગી છે.

CBIના વકીલની દલીલો SCએ નકારી 

સમગ્ર મામલે સુપ્રીમકોર્ટે કહ્યું કે CBIનું  કામ ખાલી કેસ દાખલ કરવાનું અને તપાસ કરવાનુંજ નથી પરંતું કેસનું પરિણામ પણ સફળતા પૂર્વક લાવવું જરૂરી છે. સીબીઆઈના વકીલ એએસજી સંજયની દલીલો પણ સુપ્રીમ કોર્ટે નકારીને એવું કીધું કે એવો કોઈ કાયદો નથી કે જે સીબીઆઈ પર લાગૂ નથી થતો. 

જે કેસની તપાસ ચાલું છે તેનું પણ લીસ્ટ માગ્યું 

ઉલ્લેખનીય છે કે સમગ્ર મામલે સુપ્રીમ કોર્ટે CBI પાસેથી એ કેસોનો ડેટા માગ્યો છે. જે કેસ તેમણે સફળતા પૂર્વક પાર પાડ્યા છે. સાથેજ કેટલા કેસમાં તે તપાસ કરી રહી છે અને કેસની તપાસમાં તેમને કેટલો સમય લાગ્યો હતો. તેની પણ લીસ્ટ સુપ્રીમ કોર્ટે માગતા કહ્યું કે અમે જોવા માગીએ છે કે CBI દરેક કેસમાં કેટલા અંશે સફળ રહી છે.