સુપ્રીમ કોર્ટે શુક્રવારે સરકારી નોકરીમાં પ્રમોશન તથા ક્વોટાને લઈને મહત્વપૂર્ણ ચુકાદો આપ્યો છે. સરકારી નોકરીમાં પ્રમોશન તથા નોકરી ક્વોટા માટે અનામત ન આપી શકાય. કોઈ રાજ્ય તેના માટે બંધાયેલું નથી. જાણો સુપ્રીમ કોર્ટે બીજું શું કહ્યું ...
નોકરી અને પ્રમોશનમાં અનામતનો મુદ્દો
સુપ્રીમ કોર્ટે પોતાનો ચુકાદો આપ્યો
અનામત આપવા માટે સરકાર બંધાયેલી નથી
રાજ્યોને ક્વોટા આપવા માટે બાંધી ન શકાય
સુપ્રીમ કોર્ટે શુક્રવારે આપેલા પોતાનાં મહત્વપૂર્ણ ચૂકાદામાં નોંધ્યું છે કે સરકારી નોકરીઓમાં બઢતી માટે ક્વોટા અને અનામત એ કોઈ મૂળભૂત અધિકારી નથી. મુખ્ય અદાલતે નોંધ્યું કે, ‘રાજ્યોને ક્વોટા આપવા માટે બાંધી ન શકાય. ’
એવો કોઈ મૂળભૂત અધિકાર નથી
ઉત્તરાખંડ સરકારનાં લોક નિર્માણ વિભાગમાં આસિ. એન્જિનિયર (સિવિલ)નાં પદ પર બઢતીમાં અનુસુચિત જાતિ / અનુસુચિત જનજાતિના સભ્યો માટે અનામત આપવા અપીલ કરવામાં આવી હતી. એક ચુકાદામાં અદાલતે કહ્યું કે, ‘એવો કોઈ મૂળભૂત અધિકાર નથી, જે આવા દાવા માટે પરવાનગી આપે.’
અદાલત રાજ્ય સરકારને અનામત આપવા માટે કોઈ સૂચન ન આપી શકે
જસ્ટિસ એલ નાગેશ્વર રાવ અને જસ્ટિસ હેમંત ગુપ્તાની બેંચે 7ફેબ્રુઆરાએ આ ચુકાદો સંભળાવ્યો હતો. જેમાં તેમણે કહ્યુ હતું કે, ‘રાજ્ય સરકાર અનામત આપવા માટે બંધાયેલી નથી. કોઈ પણને બઢતી માટે અનામતનો દાવો કરવાનો મૂળભૂત અધિકાર વિરાસતમાં મળ્યો નથી. અદાલત રાજ્ય સરકારને અનામત આપવા માટે કોઈ સૂચન ન આપી શકે. ’
કેન્દ્ર સરકારે 7 જજોની પેનલને સમીક્ષા કરવા વિનંતી કરી હતી
સુપ્રીમ કોર્ટેના આ ચુકાદાએ ઉતરાખંડ હાઈકોર્ટે વર્ષ 2012માં આપેલા ચુકાદાને બદલી નાંખ્યો છે. જેમાં રાજ્યના કેટલાક સમુદાયને ક્વોટા આપવાનું સૂચન કર્યું હતું. ઉલ્લેખનીય છે કે વર્ષ 2018માં 5 જજોની પેનલે કહ્યું હતું કે, ‘ક્રીમી લેયર’ને સરકારી નોકરીઓમાં અનામતનો લાભ ન મળી શકે. ગત વર્ષ ડિસેમ્બરમાં કેન્દ્ર સરકારે 7 જજોની પેનલને આ બાબતે સમીક્ષા કરવા માટે વિનંતી કરી હતી.