સુપ્રીમ કોર્ટે સોમવારે કહ્યું હતું કે, જો કોઈ પુરુષ અને મહિલા લાંબા સમય સુધી સાથે રહે છે, તો કાયદા મુજબ, તેને લગ્ન જેવું માનવામાં આવશે અને તેમના દિકરાઓને પૈતૃક સંપત્તિઓમાં ભાગીદારીથી વંચિત કરી શકાય નહીં.
સુપ્રીમ કોર્ટે આપ્યો મોટો ચુકાદો
એક મહિલા અને પુરુષ લાંબા સમયથી સાથે રહે છે, તો તેને લગ્ન ગણવામા આવશે
કેરલ હાઈકોર્ટના ચુકાદાને પડકાર આપ્યો હતો
સુપ્રીમ કોર્ટે સોમવારે કહ્યું હતું કે, જો કોઈ પુરુષ અને મહિલા લાંબા સમય સુધી સાથે રહે છે, તો કાયદા મુજબ, તેને લગ્ન જેવું માનવામાં આવશે અને તેમના દિકરાઓને પૈતૃક સંપત્તિઓમાં ભાગીદારીથી વંચિત કરી શકાય નહીં.
સુપ્રીમ કોર્ટે કેરલ હાઈકોર્ટના એ ચુકાદાને રદ કરી દીધો હતો, જેમાં કહેવાયુ હતું કે, વિવાહના પુરાવાના અભાવે એક સાથે રહેનારા પુરુષ અને મહિલાના ગેરકાયદેસર પૈતૃક સંપત્તિઓમાં ભાગ લેવા માટે હકદાર નથી.
સુપ્રીમ કોર્ટની નીચલી અદાલતે ચુકાદો આપ્યો
જસ્ટિસ એસ. અબ્દુલ નઝીર અને જસ્ટિસ વિક્રમ નાખની બેંચે કહ્યું કે, એ સ્પષ્ટ છે કે, જો એક પુરુષ અને એક મહિલા પતિ અને પત્ની તરીકે લાંબા સમયથી એક સાથે રહે છે, તો તેને વિવાહ જેવું જ માનવામાં આવશે. આવી રીતે અનુમાન સાક્ષ્ય અધિનિયમની કલમ 114 અંતર્ગત લાવી શકાય છે.
કોર્ટે કહ્યું કે, એ એકદમ સ્પષ્ટ છે કે, જો એક પુરુષ અને એક મહિલા પતિ અને પત્ની લાંબા સમય સુધી એક સાથે રહે છે, તો લગ્નના પક્ષમાં અનુમાન લગાવામાં આવશે. સુપ્રીમ કોર્ટે આ ચુકાદો કેરલ હાઈકોર્ટના 2009માં એક ચુકાદા વિરુદ્ધ આવેલી અરજીમાં આપ્યો હતો.
કેરળ હાઈકોર્ટે શું કહ્યું?
કેરળ હાઈકોર્ટે ટ્રાયલ કોર્ટના એક પુરુષ અને સ્ત્રી વચ્ચે લાંબા સમયથી ચાલતા સંબંધો પછી જન્મેલા બાળકને પૈતૃક સંપત્તિમાં હિસ્સો આપવાના આદેશને રદ કર્યો હતો. હાઈકોર્ટે પોતાના આદેશમાં કહ્યું હતું કે અરજદારના માતા-પિતા લાંબા સમયથી સાથે રહેતા હોવાના કોઈ પુરાવા નથી. દસ્તાવેજો માત્ર સાબિત કરે છે કે અરજદાર બંનેનો પુત્ર છે, પરંતુ તે કાયદેસરનો પુત્ર નથી, તેથી હાઇકોર્ટે મિલકતના ભાગલા પાડવાનો ઇનકાર કર્યો હતો.
સુપ્રીમ કોર્ટે શું કહ્યું?
સુપ્રીમ કોર્ટે આ નિર્ણયને ફગાવી દેતાં કહ્યું હતું કે જ્યારે સ્ત્રી અને પુરુષ સાબિત કરે છે કે તેઓ પતિ-પત્ની તરીકે રહેતા હતા, ત્યારે કાયદો માની લેશે કે તેઓ માન્ય લગ્નના પરિણામે સાથે રહેતા હતા. આ સાથે, કોર્ટે દેશભરની ટ્રાયલ કોર્ટોને સુઓ મોટો સંજ્ઞાન લઈને અંતિમ હુકમ પસાર કરવાની પ્રક્રિયામાં તત્પરતા બતાવવા જણાવ્યું છે. કોર્ટે સીપીસીના ઓર્ડર 20 નિયમ 18 હેઠળ આમ કરવાનું કહ્યું છે.