BIG NEWS / દેશનો માહોલ ખરાબ થઈ રહ્યો છે: હેટસ્પીચ મામલે સુપ્રીમ કોર્ટે સરકારને તતડાવી, જાણો શું આપ્યા આદેશ

• હેટ સ્પીચને  લઈને સુપ્રીમ કોર્ટે કરી કડક ટિપ્પણી 
• આ પ્રકારે સાર્વજનિક ભાષણોને કારણે વાતાવરણ ખરાબ થઇ રહ્યું છે - સુપ્રીમ કોર્ટ 
• SCએ કહ્યું કે આવા ભાષણો પણ નિયંત્રણની જરૂર છે 

હેટ સ્પીચને  લઈને સુપ્રીમ કોર્ટે કરી કડક ટિપ્પણી 

હેટ સ્પીચને લઈને સુપ્રીમ કોર્ટે કડક ટિપ્પણી કરી છે. સુપ્રીમ કોર્ટે સોમવારે કહ્યું કે દેશમાં અલ્પસંખ્યકો વિરુદ્ધ ઘૃણા ભરેલા ભાષણો પર એક અરજી કદાચ આ દ્રષ્ટિકોણથી સાચી હોય શકે છે કે આ પ્રકારે સાર્વજનિક ભાષણોને કારણે આખું વાતાવરણ ખરાબ થઇ રહ્યું છે. કોર્ટના અવલોકન અને નિર્દેશ તે દિવસે આવ્યા, જ્યારે દિલ્હી પોલીસે કહ્યું કે તેણે વિશ્વ હિંદુ પરિષદઅને દિલ્હીમાં એક કાર્યક્રમના અન્ય આયોજકો વિરુદ્ધ FIR દાખલ કરી છે, જ્યાં અમુક વક્તાઓએ કથિત રૂપથી હેટ સ્પીચ આપી હતી. 

આ પ્રકારે સાર્વજનિક ભાષણોને કારણે વાતાવરણ ખરાબ થઇ રહ્યું છે - સુપ્રીમ કોર્ટ 

રીપોર્ટ અનુસાર, સુપ્રિમ કોર્ટનાં મુખ્ય ન્યાયાધીશ યૂયૂ લલિત અને જસ્ટીસ એસ રવીન્દ્ર ભટ ની બેંચે અરજીકર્તા એન મનસુખાની પર તપાસ દરમિયાન ઉઠાવવામાં આવેલા પગલાઓ સહીત ઘૃણા ભરેલા ભાષણોનાં વિશેષ ઉદાહરણોનું વિવરણ આપવા કહ્યું. બેંચે કહ્યું કે જોકે એક નાગરિકનાં રૂપમાં કદાચ તમે એમ કહેવામાં સાચા હોય શકો છો કે ઘૃણાસ્પદ ભાષણોનાં પરિણામ સ્વરૂપ આખું વાતાવરણ ખરાબ થઇ રહ્યું છે અને કદાચ તમારી પાસે આ કહેવા માટે ઉચિત આધાર પણ છે કે આ બધા પર નિયંત્રણ લાવવાની જરૂર છે. કોર્ટે આગળ કહ્યું કે આ મામલામાં ૩૧ ઓક્ટોબર સુધી એફિડેવિટ દાખલ કરવામાં આવે. 

SCએ કહ્યું કે આવા ભાષણો પણ નિયંત્રણની જરૂર છે 

એક અલગ મામલામાં સુપ્રીમ કોર્ટે સોમવારે ઉત્તરાખંડ અને દિલ્હી પોલીસને તુષાર ગાંધી દ્વારા દાખલ કરવામાં આવેલ એક અરજી પર હેટ સ્પીચ પર અંકુશ લગાવવા માટે ઉઠાવવામાં આવેલા પગલાને સ્પષ્ટ કરવા માટે કહ્યું. આમાં  આરોપ લગાવવામાં આવ્યો છે કે બંને રાજ્યોનાં પોલીસ પ્રમુખ સુપ્રીમ કોર્ટના 2018નાં નિર્ણયની અવગણના કરી રહ્યા છે, જેમાં હેટ સ્પીચને અટકાવવા માટે વિસ્તૃત દિશાનિર્દેશ આપવામાં આવ્યા છે. 

ગયા વર્ષે ડીસેમ્બરમાં હરિદ્વાર અને દિલ્હી ધર્મ સાંસદમાં આપવામાં આવેલ હેટ સ્પીચની વાત કરતા, ગાંધીએ ઉત્તરાખંડ અને દિલ્હી પોલીસનાં પ્રમુખો સામે તિરસ્કાર માટે કાર્યવાહી શરુ કરવાની માંગ કરી છે. જસ્ટીસ ડી.વાય. ચંદ્રચુડ અને જસ્ટીસ હિમા કોહલીની પીઠે બંને વિભાગો પક્ષોને કથિત હેટ સ્પીચના સંબંધમાં તથ્યાત્મક સ્થિતિ અને ઉઠાવવામાં આવેલા પગલાઓ વિષે એફિડેવિટ દાખલ કરવા કહ્યું. પીઠે એટોર્ની જનરલ આર વેંકટરમણીને આ મુદ્દા પર પોતાના વિચારો રાખવા માટે વિનંતી કરી અને ચાર અઠવાડીયા બાદ સુનાવણીની તારીખ નક્કી કરવામાં આવી.