આર્થિક નબળા વર્ગોને 10 ટકા અનામતને સુપ્રીમમાં પડકારાઈ છે
આર્થિક રીતે નબળા વર્ગોને શિક્ષણ અને નોકરીઓમાં 10 ટકા અનામત આપવાની અરજીઓ પર સુપ્રીમ કોર્ટે તેનો ચુકાદો આગામી સમય સુધી મોકૂફ રાખી દીધો છે. સુપ્રીમ કોર્ટે હવે બીજા કોઈ દિવસે આ કેસનો ચુકાદો આપશે. આર્થિક રીતે નબળા વર્ગોને શિક્ષણ અને નોકરીઓમાં 10 ટકા અનામત આપવાની સામે અરજીઓ કરાઈ હતી જેની પર સુપ્રીમમાં આજે સુનાવણી ચાલી હતી પરંતુ કોઈ ચુકાદો આપવાને બદલે સુપ્રીમે તેને આગામી સમય પર ટાળી દીધો છે.
Supreme Court reserves order in the matter relating to the constitutional validity of reservations of the Economically Weaker Section (EWS) in higher education and issues of public employment on the basis of financial conditions. pic.twitter.com/nxM2TJCooZ
આર્થિક રીતે નબળા વર્ગોને શિક્ષણ અને નોકરીઓમાં 10 ટકા અનામત આપવાનો કેન્દ્ર સરકારનો પ્રસ્તાવ
આર્થિક રીતે નબળા વર્ગોને શિક્ષણ અને નોકરીઓમાં 10 ટકા અનામત આપવાનો કેન્દ્ર સરકારનો પ્રસ્તાવ છે પરંતુ કેન્દ્રના આ પ્રસ્તાવને સુપ્રીમ કોર્ટમાં પડકારાયો છે અને સુપ્રીમ છેલ્લા સાત દિવસથી આ કેસ પર સુનાવણી ચાલી રહી છે. સાતમા દિવસે પણ સુપ્રીમ કોર્ટે આ કેસનો ચુકાદો મોકૂફ રાખી દીધો હતો. સરકારે 10 ટકા અનામત આપવા માટે બંધારણ સુધારાને યથાર્થ ઠેરવતાં કહ્યું કે આ આર્થિક ન્યાયની અવધારણાને અનુકૂળ છે. સરકારના વકીલ સોલિસિટર જનરલ તુષાર મહેતાએ કહ્યું કે આર્થિક આધારે અનામત બંધારણના મૂળ માળખાનું ઉલ્લંઘન કરતું નથી પરંતુ તેને મજબૂતી પ્રદાન કરે છે.
સાતમા દિવસે પણ ચુકાદો ન આવ્યો
સુપ્રીમ કોર્ટે છેલ્લા સાત દિવસથી આ કેસની સુનાવણી કરી રહી છે અને હજુ સુધી તેનો ચુકાદો આવ્યો નથી.