રામસેતૂ કેસ / SC એ સુબ્રમણ્યમ સ્વામીને કહ્યું કે અત્યારે સમય નથી, 3 મહીના બાદ આવો

ખરેખર તો સુબ્રમણ્ય સ્વામીએ અરજી દાખલ કરી જણાવ્યું હતું કે 2017માં પુરાતત્વ સર્વેક્ષણ (ASI) એ રામસેતૂને પુરાતત્વ સ્મારક ઘોષિત કરવા અંગે જણાવ્યું હતું, પરંતુ અત્યાર સુધી કાંઇ થયું નથી. 

સેતુસમુદ્રમ પરિયોજનાના કારણે ચર્ચામાં આવ્યો હતો રામ સેતુ
કોંગ્રેસના નેતૃત્વવાળી યૂપીએ સરકારના સમયમાં 2005માં સેતુસમુદ્રમ પરિયોજનાની જાહેરાત થઇ હતી. આ સમયે તેનો ખર્ચ અંદાજે 2500 કરોડ હતો જે હવે વધીને 4000 કરોડ થઇ ગયો છે. આ પરિયોજના હેઠળ જહાજોના પરિવહન માટે અંદાજે 83 કિલોમીટર મોટી બે ચેનલ બનાવામાં આવ્યા હતા. 

2007માં રામસેતુ પર શરૂ થયો હતો વિવાદ

ધાર્મિક માન્યતાઓની સાથે-સાથે ભાજપનું પણ માનવું છે કે રામસેતૂને ભગવાન શ્રીરામે બનાવ્યો હતો. જેને લઇને 2007માં રામસેતૂ પર વિવાદ શરૂ થયો હતો, જ્યારે યૂપીએ સરકારે પ્રસ્તાવ આપ્યો હતો કે સેતુસમુદ્રમ પરિયોજના માટે રામસેતૂ સિવાય કોઇ વિકલ્પ આર્થિક રીતે લાભદાયક નથી.