સુપ્રીમ કોર્ટે પુત્રવધૂઓની તરફેણમાં આજે એક ઐતિહાસિક ચુકાદો આપ્યો છે. સુપ્રીમ કોર્ટે કહ્યું કે ઘરેલું હિંસા અધિનિયમ હેઠળ પુત્રવધૂને તેના પતિના માતાપિતાના ઘરે રહેવાનો અધિકાર છે.
સુપ્રીમ કોર્ટે આપ્યો ઐતિહાસિક ચૂકાદો
પત્નીને તેના સાસુ સસરાના ઘરે રહેવાનો અધિકાર છે: SC
સુપ્રીમે અગાઉનો ચૂકાદો પલટાવી નાખ્યો
સુપ્રીમ કોર્ટે પુત્રવધૂ ની તરફેણમાં આજે એક મહત્વપૂર્ણ ચૂકાદો આપ્યો છે. સુપ્રીમ કોર્ટે કહ્યું કે ઘરેલું હિંસા અધિનિયમ હેઠળ પુત્રવધૂ ને તેના પતિના માતાપિતાના ઘરે રહેવાનો અધિકાર છે. ન્યાયાધીશ અશોક ભૂષણની અધ્યક્ષતાવાળી ત્રણ જજ ની બેંચે તરુણ બત્રા મામલામાં બે જજની બેન્ચે અગાઉ આપેલા નિર્ણયને બદલી નાખ્યો હતો
પીડિત મહિલા હવે તેના સાસુ સસરાના ઘરમાં પણ રહી શકશે
મહત્વનું છે કે, તરુણ બત્રા મામલામાં બે જજોની ખંડપીઠે કહ્યું હતું કે કાયદા પ્રમાણે પુત્રીઓ તેમના પતિના માતા પિતાની સંપત્તિમાં રહી શકતી નથી. જો કે હવે ત્રણ સભ્યોની બેંચે તરુણ બત્રાના મામલામાં આવેલા આ નિર્ણયને ઉલટાવીને કોર્ટે કહ્યું કે પુત્રીને ફક્ત પતિની અલગ અલગ મિલકતમાં જ નહીં પરંતુ સહિયારી મિલકતમાં પણ રહેવાનો અધિકાર છે.