સુપ્રીમ કોર્ટ / વડી અદાલતે યુપી સરકારને લગાવી ફટકાર, પ્રદર્શનકારીઓ પાસેથી વસૂલાયેલા રૂપિયા પાછા આપો

• પ્રદર્શનકારીઓ વિરુદ્ધ કરેલી કાર્યવાહી પર સુપ્રીમ કોર્ટ નારાજ
• કોર્ટે આદેશ પાછો લેવા અને વસૂલી રોકવા નિર્દેશ આપ્યા
• યુપી સરકારને સુપ્રીમ કોર્ટે ફટકાર લગાવી

સુપ્રીમ કોર્ટે યુપીની યોગી સરકારને સીએએના વિરોધ પ્રદર્શન દરમિયાન સાર્વજનિક સંપત્તિને થયેલા નુકસાન માટે સરકાર દ્વારા જે વસૂલી કરવામા આવી છે, તે તમામ વસૂલી પાછી આપવાનો આદેશ આપ્યો છે. સુપ્રીમ કોર્ટે આજે કહ્યું કે, જ્યારે નોટિસ પાછી લેવામા આવી છે તો પ્રક્રિયાનું પાલન થવું જોઈએ. જો વસૂલી કાયદા વિરુદ્ધ થઈ છે અને આદેશ પાછો લેવામા આવ્યો છે, તો પછી વસૂલીને કેવી રીતે ચલાવી શકાય.

UP govt tells SC that all show-cause notices have been withdrawn against anti-CAA protesters

Apex court was hearing a plea seeking quashing of the recovery notices issued by UP admin to recover damage caused to public properties in connection with protests against CAA pic.twitter.com/6qOJcDAjF7

— ANI (@ANI) February 18, 2022

સરકારની દલીલ કોર્ટે સાંભળી નહીં, નિયમોનું પાલન કરવા આદેશ આપ્યા

આ બાજૂ રાજ્યના વરિષ્ઠ વકીલે સુપ્રીમ કોર્ટને વસૂલી વાપસીનો આદેશ નહીં લેવાનો આગ્રહ કર્યો છે, કારણ કે આ રકમ કરોડો રૂપિયામાં જતી રહી છે અને તે બતાવશે કે, પ્રશાસન દ્વારા કરવામાં આવેલી પ્રક્રિયા ગેરકાનૂની હતી. સુપ્રીમ કોર્ટે આ અનુરોધ પર ધ્યાન આપ્યું નહીં નોટિસ જાહેર કરવા માટે યોગ્ય પ્રક્રિયાનું પાલન કરવા માટે ટ્રિબ્યૂનલનો સંપર્ક કરવા કહ્યું છે.

યુપી સરકારને કોર્ટે ખખડાવી

નાગરિકતા સંશોધન કાનૂનીના વિરુદ્ધમાં વર્ષ 2019માં પ્રદર્શન કરનારા વિરુદ્ધ યુપી સરકાર દંડ વસૂલવા માટે નોટિસ જાહેર કરતી હતી. હવે હાલમાં જ તેને લઈને યુપી સરકાર વિરુદ્ધ સુપ્રીમ કોર્ટે ફટકાર લગાવી હતી. યુપી સરકારના વલણથી નારાજ સુપ્રીમ કોર્ટે કહ્યું હતું કે, પ્રદર્શનકારીઓને વસૂલી માટે મોકલવામા આવેલી નોટિસ રાજ્ય સરાકર પાછી નહીંતર અમે તેને રદ કરી દઈશું.

સરકારે જાતે જ બધાં નિર્ણયો લઈ લીધા

સુપ્રીમ કોર્ટે કહ્યું હતું કે, કહ્યું હતું કે, ઉત્તર પ્રદેશ સરકારે આરોપીની સંપત્તિને કુર્ક કરવા માટે કાર્યવાહી કરવામાં ખુદ એક અરજીકર્તા, નિર્ણાયક અને અભિયોજકની માફક કામ લીધું છે. તેથી આ કાર્યવાહી પાછી લો અથવા નહીંતર અમે તેને કોર્ટની કાર્યવાહીનું ઉલ્લંઘન સમજીને તેને રદી કરી દઈશું.