સુ્પ્રિમ કોર્ટે હત્યાના આરોપીના જામીન રદ કરતા નીચલી કોર્ટેને એવો આદેશ આપ્યો કે તેઓ આરોપીને જામીન આપતા પહેલા તેનો રેકોર્ડ ચેક કરવાનું રાખે
સુ્પ્રિમ કોર્ટનો નીચલી અદાલતોને આદેશ
આરોપીને જામીન આપતા પહેલા તેનું રેકોર્ડ ચેક કરો :SC
હત્યાના આરોપીના જામીન SCએ કર્યા રદ
સુપ્રિમ કોર્ટ દ્વારા નીચેની અદાલતોને આદેશ આપવામાં આવ્યો છે. કે કોર્ટ દ્વારા જ્યારે કોઈ આરોપીને જામીન પર મુક્ત કરવામાં આવે છે. ત્યારે તે આરોપીનું બેકગ્રાઉન્ડ કેવું છે. તે ખાસ કરીને તપાસ કરવામાં આવે કારણકે જો આરોપી હિસ્ટ્રી શિટર હશે તો તે ગંભીર ગુનાઓને જામીન પર બહાર નિકળીને અંજામ આપી શકે છે.
નીચલી અદાલતને આપ્યો મોટો આદેશ
સમગ્ર મામલસે જસ્ટિસ ધનંજય વાય ચંદ્રચુડ અને જસ્ટિસ એમ આર શાહ દ્વારા આ આદેશ આપવામાં આવ્યો છે. પંજાબ અને હરિયાણાના ઉચ્ચ ન્યાયાલય દ્વારા એક ગંભીર ગુનામાં ઝડપાયેલા આરોપીને જામીન આપવામાં આવી હતી જે જામીન અરજી રદ કરતા સુપ્રિમ કોર્ટ દ્વારા નીચલી અદાલતને આ મહત્વના આદેશો આપવામાં આવ્યા છે.
આરોપ અને પુરાવા મહત્વના :SC
સુ્પ્રિમ કોર્ટ દ્વારા જામીન અરજીને રદ કરતા કહેવામાં આવ્યું કે આરોપ અને પુરાવા મહત્વ સૌથી વધારે હોય છે. કારણકે આરોપીને શું સજા આપવી તે પણ આરોપ અને પુરાવાને આધારે નક્કી કરવામાં આવે છે.
આરોપીનો રેકોર્ડ ચેક કરવાની સલાહ
જોકે સમગ્ર મામલે સુપ્રિમ કોર્ટે કહ્યું કે જામીન અરજી રદ કરવી તે કોઈ પ્રકારનો દંડ નથી પરંતુ આ ન્યાયના હિત પર આધારિત છે. સાથેજ SCએ કહ્યું કે આરોપીને જામીન આપતા પહેલા તેનો પહેલાનો રેકોર્ટ ચેક કરવો ખાસ જરૂરી છે. કારણકે તેનો રેકોર્ડ જો ખરાબ હશે તો તે બહાર નીકળીને ગંભીર ગુનાને અંજામ આપી શકે છે.
હત્યાના આરોપીની જામીન રદ થઈ
ઉલ્લેખનીય છે કે પંજાબ અને હરિયાણાની ઉચ્ચ અદાલત દ્વારા જે આરોપીને જામીન આપવામાં આવ્યા હતા તેની સામે હત્યા સહિતના ગુના દાખલ હતા જેની તે સજા ભોગવી રહ્યો હતો. જેથી SCએ સુપ્રિમકોર્ટે કહ્યું કે ઉચ્ચ અદાલત દ્વારા આરોપીનો રેકોર્ટ ચેક કરવામાં નથી આવ્યો અને બાદમાં તેમણે આરોપીની જામીન અરજી રદ કરી હતી.