આદેશ / દેશમાં ONORC સ્કીમ લાગૂ ન થવાને લઈને સુપ્રીમ કોર્ટે કાઢી ઝાટકણી, રાજ્યોને તરત જ આપી દીધા આ આદેશ

• દેશમાં ONORC સ્કીમ લાગૂ નહીં
• સુપ્રીમ કોર્ટે દેખાડી નારાજગી
• રાજ્યોને તરત જ આપી દીધા આ આદેશ

દેશમાં જલ્દી જ વન નેશન વન રાશન કાર્ડ (ONORC)ની વ્યવસ્થા લાગૂ થઈ શકે છે. સુપ્રીમ કોર્ટે શુક્રવારે આ કેસની સુનાવણીમાં રાજ્યો અને કેન્દ્ર શાસિત પ્રદેશોને આ સ્કીમ લાગૂ કરવા કહ્યું છે.   

આ રાજ્યોએ લાગૂ નથી કરી યોજના
જસ્ટિસ અશોક ભૂષણ અને જસ્ટિસ એમ આર શાહની કમિટીએ શુક્રવારે આ કેસની સુનાવણી કરી હતી. તેમાં કેન્દ્રની તરફથી સોલિસિટર તુષાર મહેતાએ કહ્યું કે દિલ્હી, પ. બંગાળ, છત્તીસગઢ અને આસામ જેવા રાજ્યોમાં હજુ સુધી વન નેશન વન રાશન કાર્ડ (ONORC) ની યોજના લાગૂ કરાઈ નથી. 
 
દિલ્હીના વકીલે કર્યો વિરોધ
દિલ્હીના વકીલે દલીલનો વિરોધ કર્યો છે અને કહ્યું કે તેને લાગૂ કરી દેવામાં આવે. પ. બંગાળના વકીલે કહ્યું કે આધારને જોડી લીધા બાદ પણ કેટલીક સમસ્યા આવી રહી છે. જજની બેઠકે તરત કહ્યું કે તમારે તેને લાગૂ કરવી જોઈએ. આ એ પ્રવાસી શ્રમિકોના કલ્યાણ માટે છે જેમને દરેક રાજ્યમાં રાશન મળી શકે. 

શું કહ્યું સુપ્રીમ કોર્ટે
કોર્ટે કહ્યું કે તેઓ એ વાતથી ચિંતિત છે કે જે પ્રવાસી શ્રમિકોની પાસે રાશન કાર્ડ નથી તે કલ્યાણકારી યોજનાનો લાભ કઈ રીતે લઈ શકશે. કોર્ટે (Supreme Court) કેન્દ્રની તરફથી અન્ય સોલિસિટર ઐશ્વર્યા ભાટીને પૂછ્યું, અસંગઠિત વિસ્તારના શ્રમિકોના રજિસ્ટ્રેશનની સ્તિતિ શું છે. એક સોફ્ટવેરના વિકાસમાં આટલો સમય શા માટે લાગી રહ્યો છે. આ કામ ગયા વર્ષે ઓગસ્ટમાં શરૂ થયું હતુ અને હજુ પૂરું થયું નથી. તો શા માટે. 

કેમ સોફ્ટવેર બનાવવામાં લાગી રહ્યો છે સમય, કોર્ટે કાઢી ઝાટકણી

જજની સમિતિએ પૂછ્યું કે જે શ્રમિકોનો એક રાષ્ટ્રિય ડેટા તૈયાર કરનારા સોફ્ટવેરને બનાવવામાં આટલા સમયની જરૂર કેમ રહે છે. કોર્ટે કહ્યું કે તમે હજુ પણ 3-4 મહિનાનો સમય માંગો છો. તમે કોઈ સર્વે નથી કરી રહ્યા, એક મોડ્યુલ બનાવી રહ્યા છો જેમાં ડેટા રાખી શકાય. 

Supreme Courtએ નિર્ણયને ટાળ્યો
તેના જવાબમાં સોલિસિટરે કહ્યું કે પ્રધાનમંત્રી ગરીબ કલ્યાણ યોજનાનો લાભ આ વર્ષે નવેમ્બર સુધી વધારી દેવાયો છે. તેના આધારે એવા પરિવારોના દરેક સભ્યોને 5 કિલો અનાજ દર મહિને ફ્રીમાં અપાશે. આ સિવાય રાજ્યો દ્વારા પણ અન્ય કલ્યાણકારી યોજનાને અમલમાં લાવવામાં આવશે.  દરેક પક્ષની વાત પછી આ મુદ્દે કોર્ટે નિર્ણયને સુરક્ષિત રાખવાનું નક્કી કર્યું છે.