NEET UG / NEET નું પરિણામ જાહેર કરવા માટે સુપ્રીમનો આદેશ, હાઈકોર્ટના ચુકાદા પર લગાવ્યો સ્ટે

NEET-UG 2021

NEET-UG 2021 નાં પરિણામોની રાહ જોઈ રહેલા વિદ્યાર્થીઓ માટે મહત્વના સમાચાર છે. હવે પરિણામ ટૂંક સમયમાં જાહેર થઈ જશે કારણ કે બોમ્બે હાઇકોર્ટે લગાવેલા પરિણામ પરના હોલ્ડને હટાવીને સુપ્રીમે નેશનોલ ટેસ્ટિંગ એજન્સીને પરિણામ જાહેર કરવા માટે આદેશ આપ્યા છે. સુપ્રીમે 16 લાખ પરીક્ષાર્થીઓનાં પરિણામ જાહેર થવા સામેનો રસ્તો સાફ કરી આપ્યો છે. સાથે હાઇકોર્ટ દ્વારા બે વિદ્યાર્થીઓની પરીક્ષા ફરી લેવાના નિર્ણય સામે પણ સ્ટે લગાવ્યો છે. 

સુપ્રીમે કહ્યું હતું કે અમારે બધા જ વિદ્યાર્થીઓનાં હિતમાં નિર્ણય લેવાનો હોય છે. 

સુપ્રીમ કોર્ટે નેશનલ ટેસ્ટિંગ એજન્સી (NTA)ને અંડર ગ્રેજ્યુએટ NEET-UG 2021 માટે નેશનલ એલિજિબિલિટી કમ એન્ટ્રન્સ ટેસ્ટના પરિણામો જાહેર કરવાની મંજૂરી આપી છે.

સુપ્રીમ કોર્ટે NTAને પરિણામો જાહેર નહીં કરવાના નિર્દેશ આપતા બોમ્બે હાઈકોર્ટના આદેશ પર પણ આ સાથે રોક લગાવી દીધી છે.

હાઇકોર્ટે બે વિદ્યાર્થીઓને ફરી એક્ઝામ આપવાનો આદેશ આપ્યો હતો જેના પર પણ સુપ્રીમે સ્ટે લગાવી દીધો હતો. જો કે સુપ્રીમે કહ્યું હતું કે આ બંને વિદ્યાર્થીઓના કારણે બીજા લખો લોકોના પરિણામ ન અટકાવી શકાય પરંતુ સાથે તે બંનેના હિતોનું રક્ષણ થાય તેનું પણ ધ્યાન રાખવામાં આવશે. જસ્ટિસ નાગેશ્વર રાવે સોલિસિટર જનરલ તુષાર મેહતાને કહ્યું હતું કે નિરીક્ષકે ભૂલનો સ્વીકાર કર્યો છે પરંતુ બે વિદ્યાર્થીઓનાં કારણે બીજા લખો વિદ્યાર્થી ઓ પરીક્ષાનાં પરિણામની રાહ જોઈ રહ્યા છે તેમને પરિણામ મળવું જોઈએ.