‘બેટી પઢાવો’, ‘બેટી બચાવો’ની બૂમો પાડતી આ સરકારની મહિલાઓ માટેની બેવળી નીતિ છતી થઈ છે. હાઈકોર્ટમાં સેનામાં સ્થાયી કમિશન મામેલે કેસ જીતી જનારી મહિલાઓને કેન્દ્ર સરકાર પોતાની સંકુચિત માનસિકતાને કારણે હક આપવામાં નિષ્ફળ રહી હતી. જેને પગલે આ કેસ સુપ્રીમ કોર્ટમાં પહોંચ્યો હતો. સપ્રીમ કોર્ટે આ મામલે હાઈકોર્ટના ચુકાદા પર મોહર મારી કેન્દ્ર સરકારને તેની માનસિકતા બદલ આડે હાથ લીધી હતી.
સુપ્રીમ કોર્ટમાં ન ચાલ્યો કેન્દ્રનો વિરોધ
સુપ્રીમ કોર્ટ કેન્દ્રની દલીલ પરેશાન કરનારી છે
સુપ્રીમ કોર્ટ કહ્યું કે કેન્દ્ર પોતાની માનસિકતા બદલે
કેન્દ્ર સરકારની ઝાટકણી કાઢી છે
સેનામાં સ્થાયી કમિશન મેળવવાથી વંચિત રહેતી મહિલા અધિકારીઓની અરજી પર સુપ્રીમ કોર્ટે ચુકાદો સંભળાવી દીધો છે. દિલ્હી હાઈકોર્ટેનાં ચુકાદા પર મહોર મારતા સુપ્રીમ કોર્ટે કેન્દ્ર સરકારની ઝાટકણી કાઢી છે.
દિલ્હી હાઈકોર્ટથી લડાઈ જીતવા છતાં મહિલા હકથી વંચિત
2010માં દિલ્હી હાઈકોર્ટથી લડાઈ જીતવા છતાં મહિલા અધિકારીઓને સરકારે હક નહોતો આપ્યો. જે બાદ મહિલા અધિકારીઓએ સુપ્રીમ કોર્ટમાં અપીલ કરી હતી. જસ્ટિસ ડીવાય ચંદ્રચૂડ અને જસ્ટિસ અજય રસ્તોગીની બેંચે ચુકાદો સંભળાવતા કહ્યું કે, ‘સેનામાં મહિલા અધિકારીઓની નિમણૂક વિકાસવાદી પ્રક્રિયા છે.’
We dispose off the petitions and necessary compliance of this court's order within a period of 3 months, says Justice Chandrachud. https://t.co/dQYt7hwhhe
સુપ્રીમ કોર્ટે કેન્દ્ર સરકારની ઝાટકણી કાઢતાં કહ્યું કે, ‘મહિલાઓ પણ પુરુષોની જેમ સેનામાં કમાન્ડ પોસ્ટ સંભાળી શકે છે. ધારણાઓના આધારે મહિલાઓને સમાન તક ન મળવી એ વાત હેરાન કરનારી અને અસ્વીકાર્ય છે. ’ સુપ્રીમ કોર્ટે એમ પણ કહ્યું હતુ કે, ‘કેન્દ્ર દ્રષ્ટિકોણ અને માનસિકતામાં ફેરફાર કરે. સેનામાં સાચી સમાનતા લાવવી પડશે.’
કોર્ટે 3 મહિનામાં આદેશનું પાલન કરવા કહ્યું
30 ટકા મહિલાઓ વાસ્તવમાં યુદ્ધ ક્ષેત્રમાં ફરજ બજાવી રહી છે. મહિલા અધિકારીઓએ દેશનું ગૌરવ વધાર્યું છે. સુપ્રીમ કોર્ટે કેન્દ્રને 3 મહિનામાં આદેશનું પાલન કરવા કહ્યું છે. સાથે સાથે કોર્ટે રહ્યું કે ન ફક્ત 14 વર્ષ પરંતુ તમામ મહિલાઓને તેની આગળ પણ સ્થાયી કમિશન આપવું જોઈએ.