કથન / રાજદ્રોહના કેસમાં સુપ્રીમ કોર્ટે આ પત્રકારને આપી મોટી રાહત, પોલીસ કાર્યવાહી અંગે પણ કરી ટિપ્પણી

• પત્રકારો પર રાજદ્રોહના કેસ મામલે સુપ્રીમ કોર્ટની ટિપ્પણી
• સુપ્રીમ કોર્ટે પત્રકારો પર રાજદ્રોહ કેસને લઇ વ્યક્ત કરી ચિંતા
• સુપ્રીમ કોર્ટે રાજદ્રોહના કેસને લઇ પોલીસને કરી સાવચેત

સુપ્રીમ કોર્ટે દેશમાં પત્રકારો સામે દાખલ થનાર રાજદ્રોહના કેસને લઇ પોલીસને ટિપ્પણી કરી છે. સાથે સાથે કોર્ટે ચિંતા પણ વ્યક્ત કરી છે. સુનાવણી દરમિયાન કોર્ટે કહ્યું કે કેસ દાખલ કરતા પહેલા પોલીસે IPCની કલમ 124 Aને ધ્યાન રાખવું જોઇએ. એટલું જ નહીં કોર્ટે વરિષ્ઠ પત્રકાર વિનોદ દુઆ પર શિમલામાં દાખલ થયેલા રાજદ્રોહના કેસને રદ કર્યો છે. વિનોદ દુઆ સામે જૂન 2020માં હિમાચલ પ્રદેશમાં એક ભાજપના નેતાએ FIR નોંધાવી હતી. દુઆનું કહેવું છે કે તેમણે યુટ્યૂબ પર સરકારે કોઇ પણ તૈયારી વિના લોકડાઉન લગાવ્યું તેને લઇ ટિપ્પણી કરાવી હતી. જેને લઇ વિનોદ દુઆને હેરાન કરવા માટે ભાજપના નેતાએ ખોટી રાજદ્રોહની ફરિયાદ નોંધાવી હોવાનો દાવો કર્યો છે.