ઉધડો / સાંસદો-ધારાસભ્યો સામેના કેસ ઝડપી ચલાવવા મામલે સુપ્રીમ કોર્ટે CBI અને EDનો લીધો ઉધડો

• સાંસદો અને ધારાસભ્યો સામે ગુનાહિત કેસોની ઝડપી સુનાવણી
• સુપ્રીમ કોર્ટે CBI અને ED આ બંને એજન્સીઓનો લીધો ઉધડો
• 15-20 વર્ષથી કેસો પેન્ડિંગ, એજન્સીઓ કશું કરતી નથી

ઈડી ફક્ત સંપત્તિઓ જ જપ્ત કરે છે: સુપ્રીમ કોર્ટ

સુપ્રીમ કોર્ટના મુખ્ય જસ્ટિસ એનવી રમન્નાએ કહ્યું કે, 15-20 વર્ષથી કેસો પેન્ડિંગ છે. આ એજન્સીઓ કશું કરતી નથી. ખાસ કરીને ઈડી ફક્ત સંપત્તિઓ જપ્ત કરી રહી છે. એટલું નહીં, ઘણાં કેસોમાં ચાર્જશીટ પણ દાખલ કરવામાં આવી નથી. કેસોને આ રીતે જ પેન્ડિંગ રાખવામાં આવે છે. ચીફ જસ્ટિસે કહ્યું કે, ચાર્જશીટ દાખલ કરો અથવા બંધ કરી દો.  જોકે, એજન્સીઓએ કોર્ટમાં ચાલતી સુનાવણી કારણ જણાવ્યુ નથી. કોર્ટ છેલ્લાં બે વર્ષથી કોરોના મહામારીથી પ્રભાવિત છે. 

PMLAમાં 78 કેસો 2000થી પેન્ડિંગ

ચીફ જસ્ટિસ ઓફ ઈન્ડિયાએ કહ્યું કે, PMLAમાં 78 કેસો 2000થી પેન્ડિંગ છે. આજીવન કેદ હેઠળ 37 કેસો હજી પેન્ડિંગ છે. અમે એસજીને અમને જણાવવાનું કહ્યું હતું કે આ કેસોનો ઉકેલ લાવવામાં કેટલો સમય લાગશે. અમે એસજી તુષાર મહેતાને સીબીઆઈ અને ઈડી પાસેથી આ પેન્ડિંગ કેસો અંગે સ્પષ્ટ સ્પષ્ટીકરણ આપવાનું કહીશું. આ એજન્સીઓએ આ કેસોમાં વિલંબ થવા અંગેનું કારણ બતાવ્યું નથી. એસજીએ કહ્યું કે, તમે હાઈકોર્ટમાં તેમાં ઝડપી કેસ ઉકેલવાનો નિર્દેશ આપી શકો છો. સીજેઆઈએ કહ્યું, અમે પહેલાંથી જ હાઈકોર્ટના મુખ્ય જસ્ટિસની આગેવાનીમાં એક સમિતિ બનાવવાનો નિર્દેશ આપ્યો છે. તપાસ એજન્સીઓ આગળ વધી શકે છે અને તપાસ પૂર્ણ કરી શકે છે. સીજેઆઈ એનવી રમન્ના, જસ્ટિસ ડી વાય ચંદ્રચુડ અને જસ્ટિસ સુર્યકાન્તની ત્રણ જજોની ખંડપીઠ આ કેસોની સુનાવણી કરી રહી છે.

સાંસદોની સામે પેન્ડિંગ કેસો સંદર્ભે ઈડીનો રિપોર્ટ

પીએમએલએ એક્ટમાં પૂર્વ સાંસદ સહિત 51 સાંસદો આરોપી છે. 51 કેસોમાંથી 28ની તપાસ હજુ ચાલી રહી છે. જ્યારે 4ની સુનાવણી ચાલી રહી છે. આ કેસો લગભગ ઓછામાં ઓછા 10 વર્ષ જૂના છે. અમુક કેસોમાં ખૂબ વિલંબ થયો છે. તો અમુક કેસોમાં સુનાવણીની સ્થિતિનો ઉલ્લેખ કરવામાં આવ્યો નથી. ધારાસભ્યો સામેના કેસની પણ આ સ્થિતિ છે. લગભગ 70માંથી 40થી વધુ કેસોની તપાસ ચાલી રહી છે.

પેન્ડિંગ કેસો પર સીબીઆઈનો રિપોર્ટ

121 કેસો 51 સાંસદો વિરુદ્ધ છે. 112 ધારાસભ્યોની સામે છે. સૌથી જૂનો કેસ વર્ષ 2000નો છે. સીબીઆઈની વિશેષ કોર્ટમાં 58 કેસો પેન્ડિંગ છે અને આજીવન કેદની સજા સાથે સંબંધિત છે. જ્યારે મૃત્યુદંડના કેસો પણ વર્ષોથી પેન્ડિંગ છે.