સુપ્રીમ કોર્ટ / જો બાળકો સવારે 7 વાગ્યે શાળાએ જઈ શકતા હોય તો કોર્ટની કાર્યવાહી 9 વાગે કેમ ન થાય: સુપ્રીમ કોર્ટના જસ્ટિસે નવી પહેલ કરી

• સુપ્રીમ કોર્ટની એક બેન્ચે નિર્ધારિત સમય કરતા એક કલાક વહેલુ કામ શરૂ કર્યું
• જસ્ટિસ યૂયૂ લલિતે ખૂબ જ સારી વાત કહી
• કોર્ટનો સમય વહેલા શરૂ થાય તો, સાંજે અન્ય કામ ફટાફટ પતે

સુપ્રીમ કોર્ટની એક બેન્ચે આજે સામાન્ય દિવસની સરખામણીમાં એક કલાક વહેલા કામ કરવાનું શરૂ કરી દીધું હતું. આ વિષયને લઈને જસ્ટિસ યૂ યૂ લલિત કહ્યું કે, જો બાળકો સવારે 7 વાગ્યે સ્કૂલે જઈ શકતા હોય તો, જસ્ટિસ અને વકીલ સવારે 9 વાગ્યે પોતાનું કામ કેમ ન શરૂ કરી શકે. જસ્ટિસ યૂયૂ લલિત, જસ્ટિસ એસ રવિન્દ્ર ભટ અને ન્યાયમૂર્તિ સુધાંશુ ધૂલિયાની બેન્ચે સવારે સાડા 9 કલાકે કેસની સુનાવણી શરૂ કરી દીધી, જ્યારે મોટા ભાગે કોર્ટની કાર્યવાહી સવારે 10 વાગ્યે શરૂ થાય છે. 

બેન્ચના ચુકાદાના વખાણ 

જસ્ટિટ લલિત આગામી ચીફ જસ્ટિસ બનવામાં વરિષ્ઠતાના ક્રમમાં સૌથી ઉપર છે. તેમણે કહ્યું કે, મારા હિસાબે આપણા આદર્શ રીતે સવારે 9 વાગ્યાથી કામે બેસી જવું જોઈએ. મેં હંમેશા કહ્યું છે કે, બાળકો સવારે સાત વાગ્યે સ્કૂલે જઈ શકતા હોય ો, આપણે સવારે નવ વાગ્યે કેમ ન આવી શકીએ. જામીનના એક કેસમાં હાજર થયેલા વરિષ્ઠ વકીલ મુકુલ રોહતગીના કેસની સુનાવણી સમાપ્ત થવા પર સામાન્ય સમય પહેલા બેસવા માટે બેન્ચના વખાણ કર્યા, જે બાદ જસ્ટિસ લલિતે આ ટિપ્પણી કરી. જસ્ટિસ લલિતે કહ્યું કે, મારે એ કહેવુ પડશે કે, કોર્ટનું કામ શરૂ કરવાનો અપેક્ષાકૃત સમય સાડા નવ વાગ્યાનો છે. 

ફાઈલ વાંચવા માટે સમય મળશે

તેમણે કહ્યું કે, જો કોર્ટનું કામ જલ્દી શરૂ થઈ જાય તો દિવસનું કામ જલ્દી પતી જાય. તથા જસ્ટિસને બીજા દિવસની ફાઈલો વાંચવામાં સાંજે વધારે સમય મળી શકે. જસ્ટિસ લલિતે કહ્યું કે, કોર્ટ સવારે નવ વાગ્યે કામ કરવાનું શરૂ કરી શકે છે અને સવારે 11 વાગ્યે એક કલાકનો બ્રેક બાદ બપોરે 2 વાગ્યા સુધીમાં દિવસનું કામ ખતમ કરી શકે છે. આવું કરવાથી જજને સાંજનો સમયે કામ કરવા માટે પહેલા કરતા વધારે સમય મળી શકે છે.