અજીબોગરીબ કિસ્સો / સુપ્રીમની સુનાવણી દરમિયાનની વીસી સાથે જોડાઇ ત્યારે મહિલા વકીલ એવું કરતી હતી કે...

ગઈકાલે સોમવારે એક કેસની સુનવણી દરમિયાન બે એવા કિસ્સા સામે આવ્યા જેના કારણે આખી કોર્ટ હાસ્ય રોકી ન શકી. જસ્ટિસ એલ. નાગેશ્વરરાવ અને જસ્ટિસ હેમંત ગુપ્તાની બેન્ચ જ્યારે સુનવણી કરી રહી હતી ત્યારે એક મહિલા વકીલ વીસી સાથે જોડાઇ ગઇ.

તે ફેશિયલ કરાવી રહી હતી અને બ્યૂટિશિયનને કહી રહી હતી. જલદી કરો. મારા કેસની સુનાવણીનો નંબર આવવાનો છે. મહિલા વકીલને ખ્યાલ જ ન હતો કે તે ફેશિયલ કરાવતાં પહેલાં જ વીસી સાથે જોડાઇ ચૂકી છે. જજ અને વકીલ લગભગ ૫ાંચ મિનિટ સુધી આ દ્રશ્યને જોતાં હસતા રહ્યા.

એક વકીલે કહ્યું હવે ફેશિયલ જોવાનું જ બાકી રહી ગયું હતું. બધા લોકોને લાગ્યું કે કદાચ મહિલા વકીલને પોતાની ભૂલનો અહેસાસ થશે, પરંતુ આ બધી બાબતોથી બેખબર તે ફેશિયલમાં જ લાગેલી રહી. ત્યારબાદ રજિસ્ટ્રીએ વકીલનું કનેક્શન ડિસકનેક્ટ કરી દીધું અને બીજી સુનવણી શરૂ કરી.

અન્ય એક કેસમાં સુપ્રીમ કોર્ટના જસ્ટિસ ડી. વાય. ચંદ્રચૂડ અને જસ્ટિસ કે.એમ. જોસેફની બેંચમાં સુનાવણી દરમિયાન સ્ક્રીન પર કોરોનાનો ખોફ દેખાયો. સુનાવણી બાદ જ્યારે જસ્ટિસ ચંદ્રચૂડ પોતાનો આદેશ લેપટોપ પર લખી રહ્યા હતા ત્યારે સ્ક્રીન પર જસ્ટિસ કે.એમ. જોસેફ દેખાયા.

તેમણે પોતાની એક આંગળી પર ઓક્સિમીટર લગાવ્યું હતું. આ જોઇને જસ્ટિસ ચંદ્રચૂડ થોડું હસ્યા અને આદેશ લખ્યા બાદ પૂછ્યું કેટલું ટેમ્પરેચર આવ્યું. ત્યાર બાદ બંને હસી પડ્યા.