સુપ્રીમ કોર્ટે કહ્યું કે, જે દિકરી પોતાના પિતા સાથે કોઈ પણ પ્રકારનો સંબંધ રાખવા નથી માગતી, તેનો પિતાની સંપત્તિ પર કોઈ અધિકાર નથી.
સુપ્રીમ કોર્ટનો મહત્વનો ચુકાદો
કોર્ટે આપ્યો આ નિર્ણય
દિકરીના ખર્ચ બાબતે કહી આ વાત
સુપ્રીમ કોર્ટે કહ્યું કે, જે દિકરી પોતાના પિતા સાથે કોઈ પણ પ્રકારનો સંબંધ રાખવા નથી માગતી, તેનો પિતાની સંપત્તિ પર કોઈ અધિકાર નથી. જસ્ટિસ સંજય કિશન અને જસ્ટિસ એમ એમ સુંદરેશની ખંડપીઠે કહ્યું કે, જો દિકરીએ પોતાના પિતા સાથે કોઈ સંબંધ રાખવા નથી માગતી, તો તેના શિક્ષણ અને વિવાહમાં થનારા ખર્ચ માટે ધનની માગ કરી શકતી નથી.
છૂટાછેડાની અરજીમાં આપ્યો આ નિર્ણય
સુપ્રીમ કોર્ટે છૂટાછેડાના કેસની સુનાવણી દરમિયાન આ નિર્ણય આપ્યો હતો. અરજદારે તેની પત્નીથી અલગ થવા માટે સુપ્રીમ કોર્ટનો સંપર્ક કર્યો હતો. જ્યાં કોર્ટે છૂટાછેડાની અરજીને મંજૂરી આપી હતી. આ મામલાની સુનાવણી બાદ બેન્ચે કહ્યું કે, તમામ દલીલો પરથી જાણવા મળે છે કે પત્ની પાસે પૈસા નથી અને આવકનો કોઈ સ્ત્રોત નથી. તે તેના ભાઈ સાથે રહે છે અને તે તેના અને તેની પુત્રીના ભણતરનો ખર્ચ ઉઠાવી રહ્યો છે.
હાઈકોર્ટમાં કરી હતી પહેલા અરજી
સુપ્રીમ કોર્ટે કહ્યું કે, પતિ હાલમાં પત્નીને વચગાળાના ભરણપોષણ તરીકે દર મહિને રૂ. 8,000 ચૂકવે છે અને તે તમામ દાવાઓ તરીકે રૂ. 10 લાખની એકસાથે રકમ ચૂકવી શકે છે. સુપ્રીમ કોર્ટે કહ્યું કે જો કોઈ માતા તેની પુત્રીને મદદ કરવા માંગે છે, તો આ રકમ તેની પાસે રહેશે. દીકરી જન્મથી જ તેની માતા સાથે રહે છે. અરજદારે પ્રથમ ડિસ્ટ્રિક્ટ કોર્ટમાં છૂટાછેડા માટે અરજી કરી હતી, જે મંજૂર થઈ હતી, પરંતુ પત્નીએ આ નિર્ણય સામે હાઈકોર્ટમાં અરજી કરી હતી. હાઈકોર્ટે ડિસ્ટ્રિક્ટ કોર્ટના આદેશને ફગાવી દીધો હતો, ત્યારબાદ પતિએ સુપ્રીમ કોર્ટમાં અરજી કરી હતી.