સુપ્રીમ કોર્ટમાં MCD મેયર અને ડેપ્યુટી મેટરની ચૂંટણીને લઈને સુનાવણી થઈ છે. કોર્ટે કહ્યું કે 'નામાંકિત સદસ્ય કોઈપણ બેઠક પર વોટ આપી શકશે નહીં.' વિજય બાદ CM કેજરીવાલે પ્રતિક્રિયા આપી છે.
SCએ દિલ્હીમાં મેયરની ચૂંટણી અંગે આપ્યો ચૂકાદો
કહ્યું નામાંકિત સદસ્યો વોટ ન આપી શકે
AAPની બંને માગો કોર્ટે કરી પૂરી
CM કેજરીવાલે ટ્વીટ કરી આપ્યાં અભિનંદન
દિલ્હી નગર નિગમનાં મેયર અને ડેપ્યુટી મેયરની ચૂંટણીને લઈને શુક્રવારે સુપ્રીમ કોર્ટમાં સુનાવણી થઈ હતી. AAP નેતા ડો.શૈલી ઓબરોયે ચૂંટણીમાં નામાંકિત સદસ્યોને મતદાન કરવાની પરવાનગી આપવા માટે LGનાં નિર્ણયને પડકારતી અરજી કરી હતી. આ સાથે જ ટૂંક સમયમાં ચૂંટણી કરવાની માંગ પણ કરવામાં આવી હતી. સુપ્રીમ કોર્ટે AAP ને રાહત આપી છે અને તેમની બંને મુખ્ય માગોને પૂરી કરી છે.
AAPની બંને માગો પૂરી, કેસ જીત્યો
ચીફ જસ્ટિસએ કહ્યું કે 'અમે આદેશ આપીએ છીએ કે પહેલી બેઠકમાં મેયરની ચૂંટણી થાય. આ ચૂંટણીમાં નામાંકિત સદસ્યો વોટ ન આપે.' તેમણે કહ્યું કે મેયરની અધ્યક્ષતામાં ડેપ્યૂટી મેયર અને બાકીનાં પદો માટે ચૂંટણી કરવી. 24 કલાકની અંદર પહેલી બેઠક માટે નોટિસ આપવી. આ પહેલાં સુનાવણી દરમિયાન ચીફ જસ્ટિસે કહ્યું કે બંધારણનાં અનુચ્છેદ 243Rનાં હિસાબે નામાંકિત સદસ્ય વોટ નહીં આપી શતે. ચૂંટણી વહેલામાં વહેલી તકે થવું જોઈએ. MCDનાં વકીલ એડિશનલ સોલિસીટર જનરલ સંજય જૈને કહ્યું કે એલ્ડર મેન વોટ ન આપી શકે છે.
કેસ જીત્યા બાદ CM કેજરીવાલે આપી પ્રતિક્રિયા
કોર્ટનાં આ નિર્ણય પર CM કેજરીવાલે પ્રતિક્રિયા આપતાં કહ્યું કે નિર્ણય એ લોકતંત્રતાનો વિજય હતો. તેમણે ટ્વીટ કરતાં લખ્યું કે સુપ્રીમ કોર્ટને ખૂબ ધન્યવાદ. દિલ્હીને હવે 2.5 મહિનાની અંદર જ મેયર મળી જશે. હવે સાબિત થઈ ગયું કે LG અને BJP સાથે મળીને ગેરકાયદેસર અને ગેરબંધારણિય નિર્ણયો દિલ્હીમાં આપે છે.
SC का आदेश जनतंत्र की जीत। SC का बहुत बहुत शुक्रिया। ढाई महीने बाद अब दिल्ली को मेयर मिलेगा।
ये साबित हो गया कि LG और बीजेपी मिलकर आये दिन दिल्ली में कैसे ग़ैरक़ानूनी और असंवैधानिक आदेश पारित कर रहे हैं
એલ્ડરમેનને વોટિંગનો અધિકાર નથી- SC
આમ આદમી પાર્ટીની તરફથી કોર્ટમાં હાજર રહેલા અભિષેક મનુ સિંઘવીએ કહ્યું કે હું તમારી સામે 2 વાતો રાખીશ. પહેલીવાત- આપણે કરી રહ્યાં છીએ કોઈપણ નગરપાલિકામાં મેયર ચૂંટણીની. કૃપા કરીને અનુચ્છેદ 243R જુઓ. બંધારણ એલ્ડરમેનને વોટિંગનો અધિકાર આપતો નથી. પહેલા ફકરો કહે છે કે નામાંકિત વ્યક્તિ મતદાન નહીં કરી શકે.