BIG NEWS / દેશનાં ન્યાયતંત્ર માટે આજે મોટો દિવસ, નૂપુર શર્મા, શિવસેના અને વિજય માલ્યાને લગતા કેસ પર થઈ શકે છે સુનાવણી

• સુપ્રીમ કોર્ટમાં આજે આવી શકે છે સુપ્રીમ ચુકાદા
• કેટલાય હાઈપ્રોફાઈલ કેસમાં આજે થવાની છે સુનાવણી
• આટલા કેસોમાં આવી શકે છે નિર્ણય

ગરમીની રજાઓ બાદ સુપ્રીમ કોર્ટ સોમવારે ફરીથી પોતાનું કામકાજ શરૂ કરવા જઈ રહ્યું છે. ત્યારે આવા સમયે કેટલાય હાઈ પ્રોફાઈલ કેસ પર સુનાવણી થવાની સંભાવની છે. માનવામાં આવી રહ્યું છે કે, કોર્ટ આજે અમુક કેસમાં અંતિમ ચુકાદો પણ આપી શકે છે. આ અઠવાડીયે કેટલાય મોટા કેસો પર સુનાવણી થવાની છે. તેમાં ભીમા કોરેગાંવ-એલ્ગાર પરિષદના એક આરોપી પી વરવર રાવની જામીન અરજીનો કેસ, મહારાષ્ટ્રામં ગઠિત નવી શિવસેના-ભાજપ ગઠબંધન સરકાર તરફથી જોડાયેલ કેસો, નૂપુર શર્માના નિવેદન વિરુદ્ધ હિંસા કરવાવાળા પર યુપીમાં બુલડોઝરની કાર્યવાહીનો કેસ, ભાગેડૂ વિજય માલ્યાની સજાનો કેસ અને મુંબઈ સિરીયલ બ્લાસ્ટ કેસ (1993)ના દોષિત અબૂ સલેમની અરજી જેવા હાઈપ્રોફાઈલ કેસ સામેલ છે. 

કહેવાય છે કે, અવમાનના કેસમાં ભાગેડૂ વિજય માલ્યાની સજાને લઈને સુપ્રીમ કોર્ટે આજે ચુકાદો આપી શકે છે. વર્ષ 2017માં વડી અદાલતે માલ્યાને અવમાનનો દોષિત ઠેરવ્યો હતો. કોર્ટે કહ્યું હતું કે, માલ્યાએ કોર્ટના આદેશનું ઉલ્લંઘન કરીને પોતાના બાળકોને 40 મિલિયન અમેરિકી ડોલર ટ્રાંસફર કર્યા હતા અને તેની જાણકારી છુપાવી હતી. વિજય માલ્યાને કોર્ટે જાણાકરી છુપાવવા માટે કોર્ટ અવમાનનાના એક કેસમાં 9 મે 2017ના રોજ દોષિત ઠેરવ્યો હતો. 

વિજય માલ્યાની સજા પર આવશે ચુકાદો

કોર્ટે માલ્યાને પોતાના બાળકોના અકાઉન્ટમાં ચાર કરોડ ડોલર ટ્રાંસફર કરવા અને સંપત્તિનું વિવરણ ન આપવા પર આદેશોની અવમાનના માટે દોષિત ઠેરવ્યો હતો. કોર્ટ ઘણી વાર માલ્યાને કોર્ટમાં હાજર થવા માટે કહી ચુકી છે. અહીં ઉલ્લેખનીય છે કે કોર્ટે 10 ફેબ્રુઆરીએ માલ્યાને પોતાના વિરુદ્ધ અવમાનના મામલામાં વ્યક્તિગત રીતે અથવા તો વકીલના માધ્યમથી હાજર થવા માટે બે અઠવાડીયાનો અંતિમ મોકો આપ્યો હતો.

અબૂ સલેમની અરજી પર સુનાવણી

કોર્ટ આજે અબૂ સલેમની એ અરજી પર ચુકાદો આપી શકે છે કે 1993માં મુંબઈ બ્લાસ્ટ મામલામાં તેને ઉમરકેદની સજા ઘટાડીને 25 વર્ષ કરી દેવામાં આવે. સલેમની આ અરજીમાં આજીવન કેદને એ આધાર પર પડકાર આપવામાં આવ્યો હતો કે, વર્ષ 2002માં શરણાગતિના સમયે તેના તરફથી પોર્ટુગલમાં આપવામાં આવેલા આશ્વાસન મુજબ આપવામાં આવેલી સજા 25 વર્ષથી વધારે નહીં હોય.

પી વરવર રાવની જામીન અરજી પર સુનાવણી

સુપ્રીમ કોર્ટે આજે તેલુગુ કવિ અને ભીમા કોરેગાવ એલ્ગાર પરિષદ કેસમાં એક આરોપી પી વરવર રાવની અરજી પર સુનાવણી કરવાના છે. જેમણે આ મામલામાં ચિકિત્સા આધાર પર સ્થાયી જામીન માટે અરજી ફગાવીને મુંબઈ હાઈકોર્ટના આદેશને પડકાર આપ્યો હતો. રાવે મુબઈ હાઈકોર્ટને 13 એપ્રિલના આદેશ વિરુદ્ધ વકીલ નૂપુર કુમાર દ્વારા દાખલ કરવામાં આવેલી અરજીમાં કહ્યું કે, રાવ વિચારાધીન કેદી તરીકે બે વર્ષથી વધારે સમય સુધી જેલમાં રહ્યા છે અને હાલમાં હાઈકોર્ટ દ્વારા ચિકિત્સા આધાર પર જામીની અરજી રદ કર્યા વિરુદ્ધ વિનમ્રતાપૂર્વક કહેવા માગે છએ કે ,આગળની કેદ વધતી ઉંમર અને બગડતા સ્વાસ્થ્યના કારણે તેમના માટે જીવલેણ સાબિત થઈ શકે છે.