સુનાવણી / સુપ્રીમે કેન્દ્ર સરકારને કહ્યું, શ્રમિકો માટે કરેલી વ્યવસ્થા અપૂરતી, ઠોસ રણનીતિની જરૂર

કોર્ટે કહ્યું કે અત્યાર સુધીમાં લેવામાં આવેલા પગલા પુરતા નથી. પ્રવાસી શ્રમિકો માટે આ સમય ખુબજ કઠીન છે અને આ સ્થિતિથી બહાર આવવા માટે કડક પગલા ઉઠાવવાની જરૂર છે. 

આજે જે સુનાવણી થઇ તેમા  સુપ્રીમ કોર્ટે કહ્યું કે સરકાર એ કેવી રીતે સુનિશ્ચિત કરશે કે કોઇપણ પ્રવાસી શ્રમિકો પાસેથી જવાના પૈસા નહી માંગવામાં આવે. કેન્દ્ર સરકારે સાથે કહ્યું કે જે શ્રમિકો પગપાળા જઇ રહ્યા છે તે અવસાદના કારણોથી આમ કરી રહ્યા છે. 

દેશમાં કોરોના સંકટની વચ્ચે પ્રવાસી મજૂરોને એક પછી એક મુશ્કેલીઓનો સામનો કરવો પડી રહ્યો છે. આ મુદ્દાને લઇને ગુરુવારે સુપ્રીમ કોર્ટમાં સુનાવણી થઇ, જેમા સરકારની તરફથી વર્તમાન સ્થિતિ વિશે જાણકારી આપવામાં આવી. કેન્દ્ર સરકારની તરફથી સૉલિસિટર જનરલ તુષાર મેહતાએ દલીલ આપી, જ્યારે સુપ્રીમ કોર્ટે પણ રેલ ટિકિટો, ભોજનની સુવિધાને લઇને સવાલ કર્યા છે. 

કેન્દ્ર સરકારે કોર્ટમાં શું કહ્યું

કેન્દ્ર સરકારની તરફથી સૉલિસિટર જનરલ તુષાર મેહતાએ કહ્યું કે, 1 મેથી 27 મે સુધી રેલવેએ 3700 ટ્રેન ચલાવી. જ્યારે આ ટ્રેનોમાં અત્યાર સુધીમાં 91 લાખ શ્રમિકોને ઘરે પહોંચાડવામાં આવ્યા. એક રાજ્યથી બીજા રાજ્યમાં ટ્રેનોને બંનેની સહમતિથી મોકલવામાં આવી રહી છે. જ્યારે 84 લાખ શ્રમિકોને રેલવેએ ફ્રીમાં ભોજન ઉપલબ્ધ કરાવ્યું. પાછા જઇ રહેલા શ્રમિકોમાંથી 80 ટકા શ્રમિકો ઉત્તર પ્રદેશ અને બિહારના રહેવાસી હતા. 

અભૂતપૂર્વ સંકટ પર અભૂતપૂર્વ પગલા

સુપ્રીમમાં સુનાવણી દરમિયાન કેન્દ્ર સરકારીની તરફથી સૉલિસિટર જનરલ તુષાર મેહતાએ કહ્યું કે આ અભૂતપૂર્વ સંકટ છે અને અમે અભૂતપૂર્વ પગલા ઉઠાવી રહ્યા છે. 

રાજ્યોએ પ્રવાસી શ્રમિકોને પ્રવેશી રોક્યા ?

સુપ્રીમ કોર્ટે સવાલ કર્યો કે પ્રવાસી શ્રમિકોને ટિકિટ કોણ આપી રહ્યું છે, તેની ચૂકવણી કોણ કરી રહ્યું છે? સુપ્રીમ કોર્ટે કહ્યું કે ટિકિટના પેમેન્ટ વિશે કન્ફ્યૂઝન છે અને તેના કારણે મિડલ મેને પૂર્ણ રીતે શોષણ કર્યું છે. સુપ્રીમે સવાલ કર્યો કે એવી ઘટનાઓ બની છે કે રાજ્યોએ શ્રમિકોને પ્રવેશતા રોક્યા છે. તેના પર સૉલિસિટર જનરલે કહ્યું કે રાજ્ય સરકાર લેવા માટે તૈયાર છે. કોઇપણ રાજ્ય પ્રવાસીઓને રોકી ન શકે, તે ભારતના નાગરિક છે. 

પ્રવાસીઓને ઘરે પહોંચાડવા સુધી ચાલતી રહેશે ટ્રેન 

સૉલિસિટર જનરલે કહ્યું કે સરકાર શ્રમિકો માટે કામ કરી રહી છે પરંતુ રાજ્ય સરકારોને કારણે તેમના સુધી પહોંચી રહી નથી. કેટલીક દુર્ભાગ્યપૂર્ણ ઘટનાઓ બની છે. સૉલિસિટર જનરલે કહ્યું કે કેન્દ્ર સરકારે નક્કી કર્યું છે કે પ્રવાસી શ્રમિકોને શિફ્ટ કરાશે, જ્યાં સુધી એક પણ પ્રવાસી શ્રમિકો ઘરે ન પહોંચી જાય ત્યાં સુધી ટ્રેનો ચાલતી રહેશે. 

1 કરોડ શ્રમિકોને ઘરે પહોંચાડવામાં આવ્યા

કેન્દ્ર સરકારના સૉલિસિટર જનરલ તુષાર મેહતાએ કહ્યું કે કેન્દ્ર સરકારે અત્યાર સુધીમાં 3700 ટ્રેન પ્રવાસી શ્રમિકો માટે ચલાવી છે. અત્યાર સુધીમાં 1 કરોડ પ્રવાસી શ્રમિકોને પોતાના ગામ પહોંચાડવામાં આવ્યા છે. પાડોશી રાજ્યોની મદદથી 40 લાખ લોકોને રોડ માર્ગે શિફ્ટ કરાયા છે. મેહતાએ કહ્યું કે 1 મેથી 27 મે સુધી કુલ 91 લાખ પ્રવાસી શ્રમિકોને શિફ્ટ કરાયા છે. 

10 દિવસમાં શ્રમિકોને ઘરે પહોંચાડવામાં આવે : સુપ્રીમ કોર્ટ

સુપ્રીમ કોર્ટે કહ્યું કે જ્યારે ઓળખ કરવામાં આવે કે પ્રવાસી શ્રમિક છે તો તેમને મોકલવામાં કેટલો સમય લાગે છે. તેમને સપ્તાહ અને 10 દિવસમાં મોકલવા જોઇએ. તેના પર કેન્દ્ર સરકારે કહ્યું કે અત્યાર સુધીમાં 1 કરોડથી ઉપર પ્રવાસી શ્રમિકોને મોકલી દેવાયા છે. જે પગપાળા જઇ રહ્યા છે તે અન્ય કારણોથી આમ કરી રહ્યા છે. સુપ્રીમ કોર્ટે આદેશ આપ્યો છે કે કોઇ પણ પ્રવાસી શ્રમિકો પાસેથી ઘરે જવા માટે યાત્રાને લઇને કિંમત ન વસૂલવામાં આવે. તમામ ખર્ચ રાજ્ય ઉઠાવે. જ્યાં શ્રમિક રહી રહ્યો છે અને યાત્રા શરૂ થઇ રહી છે તે રાજ્ય અને જ્યાં તેને જવાનું છે તે રાજ્ય. આ રાજ્યો નક્કી કરે. આ ઉપરાંત સુપ્રીમ કોર્ટે કહ્યું કે રસ્તામાં શ્રમિકોના ભોજન અને રહેવાની વ્યવસ્થા રાજ્ય સરકાર યોગ્ય રીતે કરે. 

કપિલ સિબ્બલ બોલ્યા- 4 કરોડ રૂપિયા દાન આપ્યું

કેન્દ્ર સરકારની તરફથી મેહતાએ દલીલ આપી કે સુપ્રીમ કોર્ટને રાજકીય મંચ ન બનાવવું જોઇએ. તેના પર અરજીકર્તા તરફથી રજૂ વરિષ્ઠ કપિલ સિબ્બલે કહ્યું કે આ માનવીય સંકટ છે. ત્યારે મેહતાએ પૂછ્યું કે આપનું આ સંકટથી લડવામાં શું યોગદાન છે. ત્યારે સિબ્બલે કહ્યું કે મેં 4 કરોડ રૂપિયા દાન આપ્યા એ મારું યોગદાન છે.