સુનાવણી / હાર્દિક પટેલને સુપ્રિમ કોર્ટનો ઝટકો, કહ્યું- 'તમે વહેલા કેમ ન આવ્યા?', હવે શું છે વિકલ્પ?

ચૂંટણી લડવા માગતા હાર્દિક પટેલનું સ્વપ્ન ચકનાચૂર થઈ ગયું છે. સુપ્રીમ કોર્ટમાં હાર્દિક પટેલે કરેલી અરજી મામલે સુપ્રીમ કોર્ટે તાત્કાલિક અરજી કરવાનો ઈનકાર કરી દીધો છે. લોકસભાની ચૂંટણી લડવાના મામલે હાર્દિકે સુપ્રિમ કોર્ટમાં અરજી કરી હતી. સુપ્રીમ કોર્ટમાં હાર્દિકની અરજી મામલે સુનાવણી હાથ ધરાઈ હતી. ત્યારે હાર્દિક પટેલને સુપ્રિમ કોર્ટે મોટો ઝટકો આપ્યો છે. સુપ્રિમ કોર્ટ આ મામલે આગામી સુનાવણી 4 એપ્રિલે હાથ ધરાશે.
 

ઉલ્લેખનીય કે, વિસનગર કેસમાં હાર્દિકને 2 વર્ષની સજા થઈ હતી. સજા પર રોક લગાવવાની હાઇકોર્ટે મનાઇ કરી હતી. આ મામલે હાર્દિક પટેલે સુપ્રીમ કોર્ટમાં અરજી કરી હતી. જેને કારણે જ્યા સુધી તેના પર સ્ટે ન આવે ત્યા સુધી તે ચૂંટણી ન લડી શકે. ત્યારે હવે હાર્દિકના કેસ પર સુનાવણી 4 એપ્રિલે યોજાશે. 



મહત્વનુ છે કે, ગુજરાતમાં ઉમેદવારી નોંધાવવાની છેલ્લી અંતિમ તારીખ 4 એપ્રિલ છે. ત્યારે હવે 4 એપ્રિલે સુપ્રિમ કોર્ટમાં સુનાવણી હાથધરાય તો હાર્દિક કેવી રીતે ચૂંટણી લડશે તે પણ એક સવાલ છે.
 

હાર્દિક પાસે હવે શું છે વિકલ્પ ?

• હાઇકોર્ટના ચુકાદા બાદ હાર્દિક પટેલ સુપ્રીમ કોર્ટમાં ગયો છે
• સુપ્રીમ કોર્ટે તાત્કાલિક સુનાવણીનો ઇન્કાર કરતા પણ ઉમેદવારીનો સમય જતો રહે઼
• હાલની ચૂંટણીમાં અન્ય બેઠકો પર હાર્દિક કરી શકે છે પ્રચાર
• આગામી વિધનસભાની ચૂંટણીમાં જંપલાવી શકે છે હાર્દિક 
• સ્ટાર પ્રચારક હોવાથી દેશના અન્ય વિસ્તારમાં કરશે પ્રચાર
• લોકસભાની ચૂંટણી બાદ યોજાનાર પેટાચૂંટણીમાં લડવાનો કરી શકે પ્રયાસ
• હાર્દિક 30 વર્ષ પુરા કરે ત્યાર બાદ કોંગ્રેસ ઇચ્છે તો રાજ્યસભામાં બની શકે સાંસદ
• લોકસભાની ચૂંટણીમાં કોઈ ધારાસભ્ય સાંસદ બને તો યોજાય પેટાચૂંટણી
• પેટાચૂંટણીમાં હાર્દિક લોકસભા કે વિધાનસભા લડવા માટે કરી શકે પ્રયાસ
• આ દરમિયાન સજા પર ચુકાદો આવે તો બદલી શકે છે સમીકરણ
• ઉપલી અદાલત સજામાં ફેરફાર કરે તો હાર્દિક લડી શકે છે ચૂંટણી
• બે વર્ષથી ઓછી સજા મળે તો હાર્દિક પટેલ લડી શકે છે ચૂંટણી