આતંકી હુમલા કરતા રોડ અકસ્માતમાં વધુ લોકો મરે છે; સુપ્રીમ કોર્ટની ફટકાર

નવી દિલ્હીઃ દેશમાં રોડ પર ખાડાઓના પગલે થઈ રહેલાં લોકોનાં મોતને સુપ્રીમ કોર્ટે ભયાનક ગણાવ્યું. સુપ્રીમે જણાવ્યું કે આતંકી હુમલામાં મરનારા કરતા રોડ અકસ્માતમાં મરનારા લોકોની સંખ્યા વધુ છે.

દેશમાં રોડ સુરક્ષા સંબંધિત મામલે સુનાવણી કરતા જસ્ટીસ મદની બી. લોકૂર અને જસ્ટીસ દિપક ગુપ્તાની ખંડપીઠે કહ્યું કે આવી દુર્ઘટનામાં જીવ ગુમાવનારા લોકોની સંખ્યા આતંકી હુમલામાં મરનારા કરતા વધુ છે.

રોડ અકસ્માતમાં જીવ ગુમાવનારના પરિવારજનો સહાયના હકદાર છે. આવી દુર્ઘટના માટે સંબંધિત અધિકારીઓ જવાબદાર છે અને તેઓ પોતાની જવાબદારી સારી રીતે નથી નિભાવી રહ્યાં.

ખંડપીઠે જસ્ટીસ કે.એસ. રાધાકૃષ્ણનની અધ્યક્ષાવાળી રોડ સુરક્ષાની સમિતીને આ અતિ ગંભીર મુદ્દે ધ્યાન દોરવાનું અને બે અઠવાડિયામાં રિપોર્ટ સોંપવાનું પણ જણાવ્યું છે.