સુપ્રિમ કોર્ટે Alt Newsના સહ-સ્થાપક મોહમ્મદ ઝુબેરના વચગાળાના જામીન આપ્યા છે.
સુપ્રિમ કોર્ટે Alt Newsના સહ-સ્થાપક મોહમ્મદ ઝુબેરના વચગાળાના જામીન મંજુર
ઝુબેરની અરજી પર યુપી પોલીસને પણ નોટિસ જાહેર કરાઈ
ભડકાઉ પોસ્ટ કરવા બદલ મોહમ્મદ ઝુબેરની કરાઈ ધરપકડ
સુપ્રિમ કોર્ટે Alt Newsના સહ-સ્થાપક મોહમ્મદ ઝુબેરને તેમની સામે સીતાપુર, ઉત્તર પ્રદેશમાં નોંધાયેલા કેસમાં વચગાળાના જામીન આપ્યા છે. ઉલ્લેખનીય છે કે, અલ્હાબાદ હાઈકોર્ટના આદેશને પડકારતી ઝુબેરની અરજી પર યુપી પોલીસને પણ નોટિસ જાહેર કરવામાં આવી છે.
Supreme Court grants interim bail to Alt News' co-founder Mohammad Zubair in the case registered against him in Sitapur, Uttar Pradesh; also issues notice to the UP police on Zubair's plea challenging Allahabad High Court order. pic.twitter.com/xvnwwJr4hI
ઉલ્લેખનીય છે કે, ભડકાઉ પોસ્ટ કરવા બદલ ધરપકડ કરાયેલા ફેક્ટ ચેકર અને પત્રકાર મોહમ્મદ ઝુબેરે જામીન માટે સુપ્રીમ કોર્ટમાં અરજી કરી છે. ફેક્ટ ચેકરના વકીલ વતી અર્જન્ટ બેલ માટેની અરજી દાખલ કરવામાં આવી છે. અરજીમાં કહેવામાં આવ્યું હતું કે, ઝુબેરને જાનથી મારી નાખવાની ધમકીઓ મળી રહી છે.
ઝુબેર સામે જુદા જુદા જૂથો વચ્ચે દુશ્મનાવટને પ્રોત્સાહન આપવાનો આરોપ છે
તમને જણાવી દઈએ કે 27 જૂનના રોજ મોહમ્મદ ઝુબેરની દિલ્હી પોલીસે ધાર્મિક ભાવનાઓને ઠેસ પહોંચાડવા બદલ ધરપકડ કરી હતી. તેના પર ધર્મ, જાતિ, જન્મ સ્થળ, ભાષા વગેરેના આધારે જુદા જુદા જૂથો વચ્ચે દુશ્મનાવટને પ્રોત્સાહન આપવા અને ધાર્મિક લાગણીઓને ઠેસ પહોંચાડવાનો આરોપ છે. આ અગાઉ 1લી જૂનના રોજ, મોહમ્મદ ઝુબેર વિરુદ્ધ સીતાપુરના ખૈરાબાદ પોલીસ સ્ટેશનમાં કથિત રીતે હિન્દુ સંતો-મહાત્માઓને નફરત ફેલાવવા માટે કહેવા બદલ FIR નોંધવામાં આવી હતી.