આદેશ / સુપ્રીમ કોર્ટે આપ્યો ટેલીકોમ કંપનીઓને ઝટકો, સરકારને આપવા પડશે 92 હજાર કરોડ

સુપ્રીમ કોર્ટે ગુરુવારે વોડાફોન આઇડિયા, એરટેલને મોટો ઝટકો આપતાં કેન્દ્ર સરકારે 92 હજાર કરોડ રૂપિયાની ચુકવણી કરવાનો આદેશ આપ્યો છે. એનાથી ટેલીકોમ કંપનીઓના શેરમાં મોટો ઘટાડો જોવા મળ્યો. કોર્ટે કહ્યું કે આ કંપનીઓને એડડેસ્ટે઼ ગ્રૉસ રેવેન્યૂની ચુકવણી કરવી પડશે. આ મુદ્દાને લઇને દૂરસંચાર વિભાગ અને ટેલીકોમ કંપનીઓની વચ્ચે લાંબા સમયથી વિવાદ ચાલી રહ્યો હતો. 

17 ટકા ઘટ્યા શેર 
જસ્ટિસ અરુણ મિશ્રા, જસ્ટિસ એ.એ. નજીર અને જસ્ટિસ એમ.આર શાહની પીઠના આદેશ આપ્યા બાદગ વોડાફોન આઇડિયાનો શેર 17.17 ટકા ઘટીને 4.68 પર કારોબાર કરી રહ્યો હતો. તો બીજી બાજુ ભારતી એરટેના શેરોમાં 6.2 ટકાનો ઘટાડો જોવા મળ્યો અને 338.15 રૂપિયા પર કારોબાર કરી રહ્યો હતો. 

આની પર હતો વિવાદ 
ટેલીકોમ કંપપનીઓનો તર્ક હતો કે એજીઆરમાં માત્ર લાયસન્સ અને સ્પેક્ટ્રેમ ફી ને સામેલ કરવામાં આવે. તો બીજી બાજુ સરકારનું કહેવું છે કે એમાં આ ઉપરાંત અન્ય ખર્ચાને પણ સામેલ કરવામાં આવે, 2015માં ટીડીસેટને આદેશ આપતા કહ્યું હતું કે એજીઆરમાં યૂઝર ચાર્જ, ભાડે, ડિવિડેન્ડ અને સંપત્તિ વેચવા પર થતો નફો પણ સામેલ કરવો જોઇએ. જો કે ટીડીસેટે ખરાબ લોન, વિદેશી ચલણમાં ઊતાર ચઢાવ અને પસ્તી વેચવાથી થતી આવકને એમાં સામેલ કરી નહતી. ટીડીએસના આદેશને બંને પાર્ટીઓએ સુપ્રીમ કોર્ટ લઇ ગઇ હતી. 

92 હજાર કરોડમાંથી સરકાર માત્ર અડધું જ વસૂલી શકી હતી. ટેલીકોમ સેક્ટર પર હાલ સાત લાખ કરોડ રૂપિયા બાકી છે.